കോൽക്കത്ത: 1000 കോടി മുതൽമുടക്കിൽ ഇന്ത്യയിൽ ഉത്പാദന യൂണിറ്റ് തുടങ്ങാനുള്ള ഒരുക്കത്തിലാണ് ബ്രിട്ടാനിയ ഇൻഡസ്ട്രീസ്. മഹാരാഷ്ട്രയിലെ രഞ്ചൻഗാവിലാണ് ഉത്പാദന യൂണിറ്റ് ആരംഭിക്കുന്നത്. ബ്രിട്ടാനിയ ഇൻഡസ്ട്രീസ് ചെയർമാൻ നുസ്ലി വാഡിയയാണ് ഇക്കാര്യം അറിയിച്ചത്. കമ്പനിയുടെ 98-ാം വാർഷിക പൊതുയോഗത്തിൽ സംസാരിക്കുകയായിരുന്നു അദ്ദേഹം.
കമ്പനിയുടെ ഏറ്റവും വലിയ ബിസ്കറ്റ് ഉത്പാദക പ്ലാന്റാണ് പുതുതായി ആരംഭിക്കുന്നത്. ഗ്രീക്ക് കന്പനിയായ ചിപിറ്റയുടെ സഹകരണത്തോടെ പ്ലാന്റ് നിർമിക്കുന്നത്. 2018 ജൂണിൽ പ്രവർത്തനം ആരംഭിക്കുന്ന വിധത്തിലായിരിക്കും പ്ലാന്റ് നിർമാണം. പ്ലാന്റിനോടു ചേർന്ന് പ്രതിദിനം ഏഴു ലക്ഷം ലിറ്റർ പാൽ ഉത്പാദിപ്പിക്കാൻ കഴിയുന്ന വിധത്തിലുള്ള ഡെയറി ഫാമും ആരംഭിക്കും.
Post Your Comments