ഹോളിവുഡില്‍ നിന്നും സിനിമാ പ്രേമികള്‍ക്ക് ഒരു സന്തോഷ വാര്‍ത്ത. ജോക്കറാവാന്‍ നടന്‍ ലിയനാര്‍ഡോ ഡികാപ്രിയോ വെള്ളിത്തിരയില്‍ എത്തുമെന്നാണ് വിവരം. ബാറ്റ്മാനോട് പൊരുതി നില്‍ക്കുന്ന വില്ലനായിട്ടാണ് ലിയനാര്‍ഡോ ഡികാപ്രിയോയെ എത്തുക. ഇതിനായി താരത്തെ പ്രമുഖ നിര്‍മ്മാണ കമ്പനി വാര്‍ണര്‍ ബ്രദേഴ്സ് സമീപിച്ചതായി റിപ്പോര്‍ട്ട്.
ഡികാപ്രിയോ ജോക്കറായി വന്നാല്‍ ചിത്രം നന്നായിരിക്കുമെന്ന് മാര്‍ട്ടിന്‍ സ്‌കോര്‍സിയെ ബോധ്യപ്പെടുത്താന്‍ വാര്‍ണര്‍ ബ്രദേഴ്സ് ശ്രമിക്കുന്നതായി റിപ്പോര്‍ട്ടിലുണ്ട്. മാര്‍ട്ടിന്‍ സ്‌കോര്‍സിയും ഡികാപ്രിയോയും നേരത്തെ നിരവധി സിനിമകളില്‍ ഒരുമിച്ച് സഹകരിച്ചിട്ടുണ്ട്.
Post Your Comments