ആ ദുരന്തത്തിന് 33 വയസ്സ് ; ചികിത്സയ്ക്കും നഷ്ടപരിഹത്തിനും അലയുന്നവർ ഇനിയും ബാക്കി

കാറ്റിന്റ ദിശയ്ക്കനുസരിച്ച് വാതകം ഭോപ്പാൽ നഗരത്തിലുടനീളം അലയടിക്കുകയും 16000 നും 30000 നും ഇടയിൽ ആൾക്കാർ കൊല്ലപ്പെടുകയും ചെയ്തു. 2 ലക്ഷത്തിൽപ്പരം ആൾക്കാരെ നിത്യരോഗികളാക്കിയ ഈ ദുരന്തം വിട്ടുമാറാത്ത ചുമ, കാഴ്ചതടസ്സം, കുട്ടികളിലെ തിമിരം, കാൻസർ, ക്ഷയം, തളർച്ച, വിഷാദം, പനി എന്നിവ ജീവിച്ചിരിക്കുന്നവർക്ക് നൽകി. ദുരന്തത്തിന്റെ പരിണതഫലങ്ങൾ ഇപ്പോഴും അലയടിക്കുന്നു. 5 ലക്ഷത്തിലധികം മനുഷ്യരെ ബാധിച്ചു. ഔദ്യോഗിക കണക്കുകൾ പ്രകാരം ചോർച്ചയുണ്ടായ ഉടനെ 2,259 പേർ മരിച്ചു. രണ്ടാഴ്ചക്കകം 8,000-ൽ അധികം ആളുകൾ മരിച്ചതായി കണക്കാക്കപ്പെടുന്നു. ലോകത്തിലെ ഏറ്റവും ദാരുണമായ വ്യാവസായിക ദുരന്തമായി ഭോപ്പാൽ ദുരന്തം കണക്കാക്കപ്പെടുന്നു.ഗ്ലോബൽ ടോക്സിക് ഹോട്ട് സ്പോട്ട് എന്നാണ്‌ ഗ്രീൻപീസ് പ്രസ്ഥാനം ഭോപ്പാലിനെ വിളിക്കുന്നത്.

കൂടുതല്‍ നഷ്ടപരിഹാരം നല്‍കണമെന്നാവശ്യപ്പെട്ടു 2010 ഡിസംബറില്‍ സര്‍ക്കാര്‍ സമര്‍പ്പിച്ച തിരുത്തല്‍ ഹര്‍ജിയില്‍ വാദം കേള്‍ക്കണമെന്നാവശ്യപ്പെട്ടു സുപ്രീം കോടതിക്കു നിവേദനം നല്‍കാനുള്ള തയാറെടുപ്പിലാണു കൊല്ലപ്പെട്ട മൂവായിരത്തിലേറെപ്പേരുടെ ബന്ധുക്കളും ജീവിച്ചിരിക്കുന്ന ഇരകളും.
യുഎസ് ആസ്ഥാനമായുള്ള യൂണിയന്‍ കാര്‍ബൈഡ് വെറും 715 കോടി രൂപയാണു നഷ്ടപരിഹാരമായി നല്‍കിയത്. 1000 കോടി രൂപ കൂടി നല്‍കണമെന്നാണു തിരുത്തല്‍ ഹര്‍ജിയില്‍ ആവശ്യപ്പെട്ടിരിക്കുന്നത്.