ജയത്തിനരികിൽ എത്തിയ ബ്ലാസ്റ്റേഴ്‌സിനെ സമനിലയിൽ തളച്ച് ബെംഗളൂരു എഫ് സി

ബെംഗളൂരു : ജയത്തിനരികെ എത്തിയ ബ്ലാസ്റ്റേഴ്‌സിനെ സമനിലയിൽ തളച്ച് ബെംഗളൂരു എഫ് സി. ഇരു കൂട്ടരും രണ്ടു ഗോൾ വീതം സ്വന്തമാക്കി. മത്സരം തുടങ്ങി ആദ്യ 16ആം മിനിറ്റിൽ ലഭിച്ച പെനാൽറ്റി സ്ലാവിസ സ്റ്റൊജാനോവിച്ച് ഗോൾ ആക്കിയതോടെ കൊമ്പൻമാർ മുന്നിലെത്തി. ശേഷം 40ആം മിനിറ്റിൽ കറേജ് പെകുസണ്‍ ഗോൾ നേടിയതോടെ ബ്ലാസ്റ്റേഴ്‌സ് ജയം ഉറപ്പിച്ചു.

An enthralling game of two halves ends with @bengalurufc and @KeralaBlasters sharing the honours in #BENKER!#HeroISL #LetsFootball #FanBannaPadega pic.twitter.com/jBH7W5x5s5

— Indian Super League (@IndSuperLeague) February 6, 2019

രണ്ടാം പകുതിയിലേക്ക് കടന്നപ്പോൾ കളി മാറി. 69ആം മിനിറ്റിൽ ഉദാന്ത് സിങ് ഗോൾ നേടി ബെംഗളൂരുവിനെ ഒരു പടി മുന്നിലെത്തിച്ചു. എന്നിട്ടും ജയം നമ്മുക്ക് എന്ന്‍ ആശ്വസിച്ച  ബ്ലാസ്‌റ്റേഴ്‌സിനെ ഞെട്ടിച്ച് കൊണ്ട് 85ആം മിനിറ്റിൽ സുനിൽ ഛേത്രി നേടിയ ഗോളിലൂടെ ബെംഗളൂരു  കൊമ്പൻമാരെ  സമനിലയിൽ തളയ്ക്കുകയായിരുന്നു.

ഈ മത്സരം അവസാനിക്കുമ്പോൾ 31 പോയിന്റുമായി പട്ടികയിൽ ഒന്നാം സ്ഥാനം ബെംഗളൂരു നില നിർത്തി. 11 പോയിന്റുമായി ഒമ്പതാം സ്ഥാനത്താണ് ബ്ലാസ്റ്റേഴ്‌സ്