പാചകവാതക സിലിണ്ടര്‍ പൊട്ടിത്തെറിച്ച് വന്‍ അപകടം : വീട് അഗ്നിക്കിരയായി

ശാസ്താംകോട്ട : പാചകവാതക സിലിണ്ടര്‍ പൊട്ടിത്തെറിച്ച് വന്‍ അപകടം. സിലിണ്ടറില്‍ നിന്നും തീ പടര്‍ന്ന് വീട് കത്തിനശിച്ചു.

. വീട്ടില്‍ആളില്ലാത്തതിനാല്‍ ആളപായം ഒഴിവായി. പനപ്പെട്ടി ആതിര ഭവനത്തില്‍ അജന്തയുടെ ഒറ്റമുറി വീടാണ് പൂര്‍ണമായും നശിച്ചത്. ഉച്ചയ്ക്ക് 12:30 നാണ് സംഭവം. വീടിനുള്ളില്‍ പുക ഉയരുന്നത് കണ്ട അയല്‍വാസികളാണു വീട്ടുകാരെ വിവരം അറിയിച്ചത്.

ടിന്‍ ഷീറ്റ് കൊണ്ടുള്ള മേല്‍ക്കൂരയും വശങ്ങളും വലിയ ശബ്ദത്തോടെ തെറിച്ചു പോയി. മാതാവ് പൊന്നമ്മ, മകന്‍ അരുണ്‍ എന്നിവര്‍ക്കൊപ്പമാണ് അജന്ത കഴിയുന്നത്. സംഭവസമയത്ത് വീട്ടില്‍ ആരുമുണ്ടായിരുന്നില്ല. അഗ്‌നിശമന സേന എത്തിയാണ് തീയും പുകയും നിയന്ത്രിച്ചത്.