കൺസ്യൂമർഫെഡ് സ്റ്റുഡൻറ്‌സ് മാർക്കറ്റ് ഉദ്ഘാടനം ആറിന്

തിരുവനന്തപുരം : കൺസ്യൂമർഫെഡിന്റെ നേതൃത്വത്തിൽ സഹകരണസംഘങ്ങൾ വഴി 600 സ്റ്റുഡൻറ് മാർക്കറ്റുകൾ ആരംഭിക്കുന്നതിന്റെ സംസ്ഥാനതല ഉദ്ഘാടനം തിങ്കളാഴ്ച (മെയ് ആറ്) മുഖ്യമന്ത്രി പിണറായി വിജയൻ നിർവഹിക്കും. വൈകിട്ട് 4.30ന് തിരുവനന്തപുരം സ്റ്റാച്യുവിൽ നടക്കുന്ന ചടങ്ങിൽ സഹകരണ-ടൂറിസം മന്ത്രി കടകംപള്ളി സുരേന്ദ്രൻ അധ്യക്ഷത വഹിക്കും. വി.എസ്. ശിവകുമാർ എം.എൽ.എ, മേയർ വി.കെ. പ്രശാന്ത്, സഹകരണവകുപ്പ് സെക്രട്ടറി മിനി ആൻറണി, സഹകരണസംഘം രജിസ്ട്രാർ എസ്. ഷാനവാസ്, കൺസ്യൂമർഫെഡ് ചെയർമാൻ എം. മെഹബൂബ്, എം.ഡി ആർ. സുകേശൻ തുടങ്ങിയവർ സംഘടിപ്പിക്കും.