വിയറ്റ്നാം കോളനിയിലെ റാവുത്തർ പൊട്ടിക്കരഞ്ഞ് ജീവനായി കേഴുന്നു: വീഡിയോ വൈറൽ

ബെംഗളൂരു: വിയറ്റ്‌നാം കോളനി എന്ന ചിത്രത്തിലെ വില്ലനായ റാവുത്തർ എന്ന കഥാപാത്രത്തെ ഇപ്പോഴും മലയാളികൾ ഒരു ഞെട്ടലോടെ മാത്രമേ ഓർക്കുകയുള്ളു. കന്നട താരമായിരുന്ന വിജയാ രംഗരാജു എന്ന നടനായിരുന്നു ഈ കഥാപാത്രത്തെ അവതരിപ്പിച്ചത്. മലയാളികൾ ഒരിക്കലും മറക്കാത്ത ഒരു കഥാപാത്രമാണ് റാവുത്തർ. എന്നാൽ കുറച്ചു നാളുകൾക്കു മുൻപ് വിജയ രംഗരാജു ഒരു വീഡിയോ അപ്‌ലോഡ് ചെയ്തിരുന്നു.

ജീവനു വേണ്ടി കേണപേക്ഷിച്ചു കൊണ്ടായിരുന്നു അദ്ദേഹം ഈ വീഡിയോയിൽ എത്തിയത്. തനിക്ക് ഒരു അബദ്ധം പറ്റി പോയതാണ് എന്നും തന്നെ ജീവിക്കാൻ അനുവദിക്കണമെന്ന് അഭ്യർഥിച്ച് പൊട്ടിക്കരഞ്ഞു കൊണ്ടായിരുന്നു താരം എത്തിയത്. കന്നട സ്വദേശികളോട് ആയിരുന്നു താരം ഈ അഭ്യർത്ഥന നടത്തിയത്. ഇതിന്റെ കാരണമായി പറയുന്നത് ഒരു ടെലിവിഷൻ പരിപാടിയിൽ വിജയ രംഗരാജു കന്നഡ സിനിമയിലെ സൂപ്പർ ഹീറോയായിരുന്ന വിഷ്ണുവർധനു എതിരായി എന്തോ പറഞ്ഞു എന്നതാണ്.

കന്നഡക്കാർക്ക് സിനിമാ താരങ്ങൾ ദൈവത്തെ പോലെയാണ്. അവർക്കെതിരെ എന്തെങ്കിലും പറഞ്ഞാൽ അവർ വെച്ച് പൊറുപ്പിക്കില്ല. ടിവി ഷോയിലെ പരാമർശത്തോടെ ജീവനു വരെ ഭീഷണി ഉണ്ടായതിനെതുടർന്ന് വിജയ രംഗരാജു മാപ്പു പറഞ്ഞു കൊണ്ട് രംഗത്തെത്തിയതായിരുന്നു ആ വീഡിയോയിൽ. കൊച്ചുകുഞ്ഞുങ്ങളെ പോലെ കരഞ്ഞുകൊണ്ടായിരുന്നു താരം എത്തിയത്. വിഷ്ണുവർദ്ധൻ ആരാധകരോട് കാലുപിടിച്ചു മാപ്പ് ചോദിക്കുന്നു എന്നും താരം പറയുന്നു. മൂന്നുമിനിട്ടുള്ള വീഡിയോയിൽ ആയിരുന്നു താരം മാപ്പ് പറഞ്ഞുകൊണ്ട് എത്തിയത്