കൊല്‍ക്കത്ത: പശ്ചിമ ബംഗാളില്‍ ട്രെയിന്‍ പാളം തെറ്റി. ഗുവാഹത്തി-ബിക്കാനിര്‍ എക്സ്പ്രസ് (15633) ആണ് പാളം തെറ്റിയത്. പശ്ചിമ ബംഗാളിലെ ഡോമോഹാനിയിലാണ് സംഭവം. അപകടത്തില്‍ അഞ്ച് യാത്രക്കാര്‍ മരിച്ചതായാണ് വിവരം. വ്യാഴാഴ്ച വൈകുന്നേരം 5.15 ന് ബംഗാളിലെ ജല്‍പായ്ഗുരി ജില്ലയിലെ മൈനാഗുരിക്ക് സമീപമാണ് ട്രെയിന്‍ പാളം തെറ്റിയത്. രാജസ്ഥാനിലെ ബിക്കാനീറില്‍ നിന്ന് പാറ്റ്ന വഴി അസമിലെ ഗോഹട്ടിയിലേക്ക് പോവുകയായിരുന്ന ട്രെയിനാണ് അപകടത്തില്‍പ്പെട്ടത്. അറുപതിലധികം പേര്‍ക്ക് പരിക്കേറ്റതായി റിപ്പോര്‍ട്ട് ഉണ്ട്.
Read Also : ആയുർവേദ ഡോക്ടറുടെ ക്ലിനിക്കിൽനിന്ന് അലോപ്പതിമരുന്ന് പിടിച്ചെടുത്ത സംഭവം: ഡോക്ടർക്കെതിരേ കേസ് എടുത്തു
ട്രെയിനിന്റെ 12 ബോഗികള്‍ അപകടത്തില്‍പ്പെട്ടതായി റെയില്‍വേ വ്യക്തമാക്കി.
പെട്ടെന്ന് ഒരു കുലുക്കം അനുഭവപ്പെടുകയും ബോഗികള്‍ പാളം തെറ്റുകയുമായിരുന്നുവെന്ന് യാത്രക്കാര്‍ പ്രതികരിച്ചു. നാട്ടുകാരാണ് ആദ്യം രക്ഷാപ്രവര്‍ത്തിന് എത്തിയത്. റെയില്‍വെ പോലീസും ദേശീയ ദുരന്തനിവരാണ സേനയും സ്ഥലത്തെത്തി പരിക്കേറ്റവരെ ആശുപത്രിയിലേയ്ക്ക് മാറ്റി.
Post Your Comments