റിയാദ്: സർക്കാർ ജീവനക്കാർക്ക് വീട്ടിലിരുന്ന് ജോലി ചെയ്യാൻ അനുമതി നൽകി സൗദി അറേബ്യ. മാനവശേഷി സാമൂഹിക വികസന മന്ത്രാലയമാണ് ഇതുസംബന്ധിച്ച ഉത്തരവ് പുറപ്പെടുവിച്ചത്. ഇതുസംബന്ധിച്ച് സൗദി തൊഴിൽ നിയമത്തിൽ ഭേദഗതി വരുത്തുകയും ചെയ്തു.
സ്മാർട് സംവിധാനം ഉപയോഗിച്ച് തടസ്സമില്ലാതെ ചെയ്യാവുന്ന തസ്തികകളിലെ ജീവനക്കാർക്കായിരിക്കും ഈ ആനുകൂല്യം അനുവദിക്കുന്നത്. ടെലിവർക്ക് സമിതി ശുപാർശ ചെയ്യുന്ന ജീവനക്കാർക്ക് വീട്ടിലിരുന്ന് ജോലി ചെയ്യാൻ മന്ത്രാലയം അനുമതി നൽകുമെന്ന് അധികൃതർ വ്യക്തമാക്കി.
Post Your Comments