ഇടുക്കി: വിമാനത്തിനുള്ളില്‍ മുഖ്യമന്ത്രി പിണറായി വിജയനെതിരെ യൂത്ത് കോണ്‍ഗ്രസ് പ്രവര്‍ത്തകര്‍ മുദ്രാവാക്യം വിളിച്ചതിന് പിന്നാലെ, സംസ്ഥാന വ്യാപകമായി ആക്രമണം അഴിച്ചുവിട്ട് സിപിഎമ്മും ഡിവൈഎഫ്‌ഐയും. ശാസ്തമംഗലത്ത് കെപിസിസി ആസ്ഥാനമായ ഇന്ദിരാ ഭവന് നേരെ കല്ലേറ് നടന്നു.
ഇതിനിടെ, ഡിസിസി പ്രസിഡന്റ് സി.പി മാത്യുവിന് നേരെയും ഡിവൈഎഫ്ഐ പ്രവര്‍ത്തകര്‍ ആക്രമണം അഴിച്ചുവിട്ടു. സി.പി മാത്യുവിന്റെ വാഹനത്തിന് കേടുപാടുകള്‍ വരുത്തി. സംഭവത്തിന് പിന്നാലെ, സി.പി മാത്യുവിനെ ആശുപത്രിയില്‍ പ്രവേശിപ്പിച്ചു. തൊടുപുഴ ഗാന്ധി സ്‌ക്വയറില്‍ വെച്ചാണ് സംഭവമുണ്ടായത്.
കൊല്ലം പരവൂരില്‍ കോണ്‍ഗ്രസ് മണ്ഡലം കമ്മിറ്റി ഓഫീസിന് നേരെ ആക്രമണമുണ്ടായി. നീലേശ്വരത്തും തലശേരിയിലും കോണ്‍ഗ്രസ് മണ്ഡലം കമ്മിറ്റി ഓഫീസ് അടിച്ചുതകര്‍ത്തു. ഇരിട്ടിയിലും ചവറയിലും യൂത്ത് കോണ്‍ഗ്രസ്-ഡിവൈഎഫ്ഐ പ്രവര്‍ത്തകര്‍ തമ്മില്‍ ഏറ്റുമുട്ടി.
Post Your Comments