‘ജിയോ ഫൈബർ ഡബിൾ ഫെസ്റ്റിവൽ ബൊണാൻസ’: ദീപാവലി ഓഫറുകൾ പ്രഖ്യാപിച്ചു

ദീപാവലിയോടനുബന്ധിച്ച് ഉപയോക്താക്കൾക്ക് വമ്പൻ ഓഫറുമായി എത്തിയിരിക്കുകയാണ് പ്രമുഖ ടെലികോം സേവന ദാതാവായ റിലയൻസ് ജിയോ. ഇത്തവണ ‘ജിയോ ഫൈബർ ഡബിൾ ഫെസ്റ്റിവൽ ബൊണാൻസ’ ഓഫറുകളാണ് റിലയൻസ് അവതരിപ്പിച്ചിരിക്കുന്നത്. പരിമിത കാലത്തേക്ക് മാത്രം ലഭിക്കുന്ന ഈ ഓഫറിൽ നിരവധി സവിശേഷതകൾ ഉൾപ്പെടുത്തിയിട്ടുണ്ട്. ജിയോ ഫൈബർ പ്ലാറ്റ്ഫോമിലേക്ക് ഉപയോക്താക്കളെ ആകർഷിക്കാനാണ് പുതിയ പദ്ധതിക്ക് രൂപം നൽകിയത്.

ഓഫറുകൾ പ്രകാരം, ജിയോ ഫൈബർ കണക്ഷൻ എടുക്കുമ്പോൾ ആറുമാസത്തെ പ്ലാൻ തിരഞ്ഞെടുത്താൽ 100 ശതമാനം മൂല്യം തിരികെ ലഭിക്കുന്നതാണ്. കൂടാതെ, ഈ പ്ലാനിനോടൊപ്പം 15 ദിവസം അധിക വാലിഡിറ്റിയും ഉൾപ്പെടുത്തിയിട്ടുണ്ട്. ഒക്ടോബർ 18 മുതൽ 28 വരെയാണ് ഈ ഓഫർ ലഭിക്കുക. ജിയോ ഫൈബറിന്റെ പ്ലാനുകളെക്കുറിച്ച് അറിയാം.

Also Read: അപകീർത്തിപ്പെടുത്തി: എല്‍ദോസിനെതിരെയും നാല് ഓണ്‍ലൈന്‍ മാധ്യമങ്ങള്‍ക്കെതിരെയും കേസ്

പ്രധാനമായും രണ്ടു പ്ലാനുകളാണ് ഉൾപ്പെടുത്തിയിരിക്കുന്നത്. ഇതിൽ ആദ്യത്തെ പ്ലാനിൽ മാസം 599 രൂപയാണ് അടയ്ക്കേണ്ടത്. ഈ പ്ലാൻ തിരഞ്ഞെടുക്കുന്നവർക്ക് 30 എംബിപിഎസ് വേഗവും 14 ലധികം ഒടിടി ആപ്പുകളിലേക്കുള്ള ആക്സിസും ലഭ്യമാണ്. രണ്ടാമത്തെ പ്ലാനിൽ പ്രതിമാസം 899 രൂപയാണ് അടയ്ക്കേണ്ടത്. ഇതിൽ 100 എംബിപിഎസ് വേഗവും 14 ഒടിടി ആപ്പുകളും ലഭ്യമാണ്.