വണ്ടർലാ: വനിതാ ദിനത്തിൽ വനിതകൾക്ക് മാത്രം പ്രവേശനം

മാർച്ച് 8- നാണ് അന്താരാഷ്ട്ര വനിതാ ദിനമായി ആചരിക്കുന്നത്. വനിതാ ദിനമായ നാളെ വനിതകൾക്ക് മാത്രമായി പ്രത്യേക ഓഫർ വാഗ്ദാനം ചെയ്തിരിക്കുകയാണ് പ്രമുഖ അമ്യൂസ്മെന്റ് പാർക്കായ വണ്ടർലാ. റിപ്പോർട്ടുകൾ പ്രകാരം, മാർച്ച് 8- ന് വനിതകൾക്ക് മാത്രമാണ് പ്രവേശനം ഒരുക്കിയിരിക്കുന്നത്. കൂടാതെ, ടിക്കറ്റുകൾക്ക് പ്രത്യേക ഓഫറുകളും വാഗ്ദാനം ചെയ്യുന്നുണ്ട്. അവ എന്തൊക്കെയെന്ന് അറിയാം.

വനിതകൾക്ക് മാത്രമായുള്ള പ്രവേശന ടിക്കറ്റുകൾ മാർച്ച് 7 മുതൽ ലഭ്യമാണ്. ടിക്കറ്റുകളിൽ വനിതകൾക്ക് 1+1 ഓഫറാണ് വണ്ടർലാ ഒരുക്കിയിരിക്കുന്നത്. രണ്ട് ടിക്കറ്റ് ജിഎസ്ടി ഉൾപ്പെടെ 1,199 രൂപയ്ക്കാണ് ലഭിക്കുക. അതേസമയം, വണ്ടർലായുടെ വെബ്സൈറ്റ് മുഖാന്തരം ബുക്ക് ചെയ്യുന്ന ആദ്യത്തെ 1,000 ടിക്കറ്റുകൾക്ക് മാത്രമാണ് ഈ ഓഫർ ലഭിക്കുകയുള്ളൂ എന്ന് വ്യക്തമാക്കിയിട്ടുണ്ട്. പ്രത്യേക ദിനങ്ങളിൽ ഉപഭോക്താക്കൾക്കായി വ്യത്യസ്ഥമാർന്ന ഓഫറുകൾ വണ്ടർലാ വാഗ്ദാനം ചെയ്യാറുണ്ട്.

Also Read: വിദ്യാർത്ഥികൾക്ക് വിൽപ്പനയ്ക്കെത്തിച്ച എം​ഡി​എം​എ പി​ടി​കൂ​ടി : നാലുപേർ അറസ്റ്റിൽ