തിരുവനന്തപുരം: ഹനുമാൻ കുരങ്ങിനെ വീണ്ടും മൃഗശാലയിൽ നിന്നും കാണാതായെന്ന് റിപ്പോർട്ട്. കഴിഞ്ഞ ദിവസങ്ങളിൽ കുരങ്ങിരുന്ന ആഞ്ഞിലി മരത്തിൽ ഇന്ന് രാവിലെ മുതൽ കുരങ്ങിനെ കാണുന്നില്ലെന്നാണ് മൃഗശാല അധികൃതർ വ്യക്തമാക്കിയിട്ടുള്ളത്. കുരങ്ങിനെ കണ്ടെത്താനുള്ള ശ്രമങ്ങൾ പുരോഗമിക്കുകയാണ്. കുറവൻകോണം, അമ്പലമുക്ക് എന്നീ ഭാഗങ്ങളിൽ കുരങ്ങിന് വേണ്ടി തിരച്ചിൽ നടക്കുന്നുണ്ട്.
ജൂൺ 13 നാണ് തിരുവനന്തപുരം മൃഗശാലയിലെ ഹനുമാൻ കുരങ്ങ് കൂടിന് പുറത്ത് ചാടിയത്. പുതിയതായെത്തിച്ച ഹനുമാൻ കുരങ്ങാണ് കൂടിന് പുറത്ത് ചാടിയത്. പിന്നീട് ഇതിനെ മൃഗശാലയ്ക്കുള്ളിൽ മരത്തിന് മുകളിലായി കണ്ടെത്തിയിരുന്നു. എന്നാൽ ഇഷ്ടഭക്ഷണം കാണിച്ചിട്ടും ഇണയെ കാണിച്ചിട്ടും കുരങ്ങ് താഴെയിറങ്ങാൻ കൂട്ടാക്കാതെ മരത്തിൽ തന്നെ തുടരുകയായിരുന്നു.
Post Your Comments