തിരുവനന്തപുരം: മലേഷ്യന്‍ പരമോന്നത ബഹുമതിയായ ഹിജ്‌റ പുരസ്‌കാരം നേടിയ കാന്തപുരം എ പി അബൂബക്കര്‍ മുസ്ലിയാര്‍ക്ക് അഭിനന്ദനങ്ങളുമായി മന്ത്രി മുഹമ്മദ് റിയാസ് രംഗത്ത്. മലേഷ്യന്‍ ബഹുമതിയായ ഹിജ്‌റ പുരസ്‌കാരം ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ക്ക് മലേഷ്യന്‍ രാജാവ് അല്‍-സുല്‍ത്താന്‍ അബ്ദുല്ല സുല്‍ത്താന്‍ അഹമ്മദ് ഷാ സമ്മാനിച്ചുവെന്ന് മന്ത്രി ഫേസ്ബുക്ക് പോസ്റ്റിലൂടെ വ്യക്തമാക്കി.
Read Also: മണ്ണിടിച്ചിൽ: ദേശീയപാതയുടെ ഒരുഭാഗം ഒലിച്ചുപോയി
സാമൂഹിക, വൈജ്ഞാനിക മേഖലകളില്‍ മികച്ച സേവനങ്ങള്‍ നല്‍കുന്ന മതപണ്ഡിതര്‍ക്ക് ഹിജ്‌റ വര്‍ഷാരംഭത്തില്‍ മലേഷ്യന്‍ സര്‍ക്കാര്‍ നല്‍കുന്ന പുരസ്‌കാരം കഴിഞ്ഞദിവസമാണ് മലേഷ്യന്‍ രാജാവ് അല്‍ സുല്‍ത്താന്‍ അബ്ദുള്ള സുല്‍ത്താന്‍ അഹമ്മദ് ഷാ കാന്തപുരത്തിന് സമ്മാനിച്ചത്.
അതേസമയം, മലേഷ്യന്‍ സര്‍ക്കാരിന്റെ പരമോന്നത ബഹുമതി സ്വീകരിച്ച് കേരളത്തില്‍ തിരിച്ചെത്തിയ കാന്തപുരം എ പി അബൂബക്കര്‍ മുസ്ലിയാര്‍ക്ക് സ്വീകരണം നല്‍കി. സമസ്ത കേരള ജംഇയ്യത്തുല്‍ ഉലമയുടെ നേതൃത്വത്തിലായിരുന്നു സ്വീകരണം. മലേഷ്യന്‍ സര്‍ക്കാരിന്റെ പ്രത്യേക വിമാനത്തില്‍ ഇന്നലെയാണ് കാന്തപുരം എ.പി അബൂബക്കര്‍ മുസ്ലിയാര്‍ കോഴിക്കോട് വിമാനത്താവളത്തില്‍ എത്തിയത്.
Post Your Comments