‘ഡാൽ-ഇ’ ഫീച്ചറിന്റെ മൂന്നാം പതിപ്പ് അവതരിപ്പിച്ച് ഓപ്പൺഎഐ, ഒക്ടോബർ മുതൽ ലഭ്യമാകും

കുറഞ്ഞ കാലയളവ് കൊണ്ട് തരംഗം സൃഷ്ടിച്ച പ്ലാറ്റ്ഫോമാണ് ഓപ്പൺ എഐയുടെ ചാറ്റ്ജിപിടി. അതിവേഗത്തിൽ വളർച്ച കൈവരിക്കാൻ ചാറ്റ്ജിപിടിയിൽ ഇതിനോടകം തന്നെ നിരവധി ഫീച്ചറുകൾക്ക് ഓപ്പൺ എഐ രൂപം നൽകിയിട്ടുണ്ട്. ഇത്തവണ വിവരണം നൽകി ചിത്രങ്ങൾ നിർമ്മിച്ചെടുക്കാൻ സഹായിക്കുന്ന എഐ ടൂളായ ഡാൽ-ഇയുടെ മൂന്നാം പതിപ്പായ ഡാൽ-ഇ3 ആണ് കമ്പനി അവതരിപ്പിച്ചിരിക്കുന്നത്. ചാറ്റ്ജിപിടി പ്ലസ് ഉപഭോക്താക്കൾക്കും, എന്റർപ്രൈസസ് ഉപഭോക്താക്കൾക്കും ഒക്ടോബർ മുതൽ ഡാൽ-ഇ3 ലഭിക്കുമെന്ന് കമ്പനി അറിയിച്ചു.

വിവിധ ഭാഷ ഭേദങ്ങളിലുള്ള നിർദ്ദേശങ്ങളെ വിശദവും കൃത്യവുമായ ചിത്രങ്ങളാക്കി മാറ്റാൻ ഡാൽ-ഇ3 പതിപ്പിന് കഴിയും. എന്നാൽ, പ്രശസ്തരായ വ്യക്തികളുടെ പേര് ഉപയോഗിച്ച ചിത്രങ്ങൾ നിർമ്മിക്കാനുള്ള നിർദ്ദേശങ്ങളും, ജീവിച്ചിരിക്കുന്ന ചിത്രകാരന്മാരുടെ ശൈലിയിലുള്ള ചിത്രങ്ങൾക്കുള്ള നിർദ്ദേശങ്ങളും ഡാൽ ഇ-3 സ്വീകരിക്കുകയില്ല. അക്രമാസക്തമായതും, വിദ്വേഷജനകവുമായ ഉള്ളടക്കങ്ങൾ സൃഷ്ടിക്കുന്നതിൽ പ്രത്യേക നിയന്ത്രണം ഏർപ്പെടുത്തിയിട്ടുണ്ട്.

Also Read: ഹോട്ടലിൽ നിന്ന് സൗജന്യ ഭക്ഷണം ആവശ്യപ്പെട്ടയാളെ അടിച്ചുകൊന്നു: ഹോട്ടല്‍ ജീവനക്കാരന്‍ അറസ്റ്റില്‍

ക്രിയേറ്റർമാർക്ക് അവർ നിർമ്മിച്ച ചിത്രങ്ങൾ ടെക്സ്റ്റ് ടു ഇമേജ് ടൂളുകളെ പരിശീലിപ്പിക്കുന്നതിനായി ഉപയോഗപ്പെടുത്താൻ സാധിക്കും. നിലവിൽ, ടെക്സ്റ്റ് ടു ഇമേജ് എഐ രംഗത്ത് ആലിബാബയുടെ ടോങ്‌യി വാൻഷിയാങ്, മിഡ്ജേണി, സ്റ്റെബിലിറ്റി എ ആയി തുടങ്ങിയ ശക്തരായ എതിരാളികളാണ് ഉള്ളത്.