പാലക്കാട്: മണ്ണാര്‍ക്കാട് കൂമ്പാറയില്‍ സ്വകാര്യ വ്യക്തിയുടെ സ്ഥലത്തു നിന്ന് മണ്ണ് മോഷ്ടിച്ച കേസില്‍ ഒരാള്‍ അറസ്റ്റില്‍. തെങ്കര പുഞ്ചക്കോട് കോന്നാടന്‍ ആരിഫിനെയാണ് മണ്ണാര്‍ക്കാട് പൊലീസ് അറസ്റ്റ് ചെയ്തത്.
തിരൂരങ്ങാടി സ്വദേശി മുഹമ്മദാലിയുടെ ഉടമസ്ഥതയില്‍ കൂമ്പാറയിലുള്ള സ്ഥലത്തു നിന്ന് മണ്ണ് മോഷ്ടിച്ചെന്ന പരാതിയിലാണ് അറസ്റ്റ്. മോഷ്ടിച്ച മണ്ണിന് മുപ്പതിനായിരം രൂപ വില വരുമെന്ന് പൊലീസ് പറഞ്ഞു. മുഹമ്മദാലി മണ്ണാര്‍ക്കാട് പൊലീസില്‍ പരാതി നല്‍കിയതോടെ ആരിഫിനെ പിടികൂടുകയായിരുന്നു. ആരിഫിന് കോടതി ജാമ്യം അനുവദിച്ചു.
Post Your Comments