ആൻഡ്രോയ്ഡ് സ്മാർട്ട്ഫോണുകൾക്ക് പിന്നാലെ ഐഫോണുകളിലും ഉയർന്ന ശബ്ദത്തിൽ ഉള്ള ബസ്സര് ശബ്ദം എത്തി. ഉപഭോക്താക്കളെ ഒന്നടങ്കം ഞെട്ടിച്ചു കൊണ്ടാണ് ഐഫോണുകളിൽ ബസ്സര് ശബ്ദം മുഴങ്ങിയത്. എന്നാൽ, ഈ ശബ്ദത്തിന് പിന്നിലെ സത്യാവസ്ഥയെ കുറിച്ച് ഔദ്യോഗിക പ്രതികരണവുമായി എത്തിയിരിക്കുകയാണ് കേന്ദ്രസർക്കാറിന്റെ ടെലികമ്മ്യൂണിക്കേഷൻ ഡിപ്പാർട്ട്മെന്റ്. ദേശീയ ദുരന്ത നിവാരണ അതോറിറ്റിയുടെ സാമ്പിൾ ടെസ്റ്റ് സന്ദേശമാണ് ഉപഭോക്താക്കൾക്ക് ലഭിച്ചത്.
ഇന്ന് രാവിലെ ഏതാണ്ട് 11:30-ന് ശേഷമാണ് ഉയർന്ന ശബ്ദത്തോടുകൂടിയ സന്ദേശം ഉപഭോക്താക്കളുടെ ഫോണുകളിലേക്ക് എത്തിയത്. ഭൂകമ്പം സുനാമി, പ്രളയം തുടങ്ങിയ പ്രകൃതി ദുരന്തങ്ങളെ കുറിച്ചുള്ള മുന്നറിയിപ്പുകൾ നൽകാനാണ് കേന്ദ്രസർക്കാർ ഈ സംവിധാനം വികസിപ്പിച്ചത്. ഇതോടെ, രാജ്യത്തെ ജനങ്ങൾക്ക് ഫോൺ വഴി പ്രകൃതി ദുരന്തങ്ങളെ കുറിച്ച് അറിയിപ്പ് നൽകാനും, ജാഗ്രത പാലിക്കാൻ നിർദ്ദേശിക്കാനും കഴിയുന്നതാണ്. ഏതാനും മാസങ്ങൾക്ക് മുൻപ് ഈ അലേർട്ട് സംവിധാനം ആൻഡ്രോയിഡ് സ്മാർട്ട്ഫോണുകളിലും പരീക്ഷിച്ചിരുന്നു.
Also Read: നിയമനകോഴ തട്ടിപ്പ് കേസുമായി ബന്ധപ്പെട്ട നിര്ണായക വിവരങ്ങള് പുറത്ത്
Post Your Comments