വ്യാ​പാ​ര സ്ഥാ​പ​ന​ങ്ങ​ൾ കു​ത്തി​ത്തു​റ​ന്ന് ക​വ​ർ​ച്ച: 21-കാരൻ പിടിയിൽ

ക​യ്പ​മം​ഗ​ലം: ക​യ്പ​മം​ഗ​ല​ത്ത് വ്യാ​പാ​ര സ്ഥാ​പ​ന​ങ്ങ​ൾ കു​ത്തി​ത്തു​റ​ന്ന് ക​വ​ർ​ച്ച ന​ട​ത്തി​യ കേ​സി​ൽ ഒ​രാ​ളെ​ക്കൂ​ടി പൊ​ലീ​സ് അ​റ​സ്റ്റ് ചെ​യ്തു. അ​ഴീ​ക്കോ​ട് സ്വ​ദേ​ശി ചെ​ന്ന​റ വീ​ട്ടി​ൽ രാ​ഹു​ലി​നെ​(21)യാ​ണ് അറസ്റ്റ് ചെയ്തത്. ക​യ്പ​മം​ഗ​ലം പൊ​ലീ​സ് ആണ് അ​റ​സ്റ്റ് ചെ​യ്ത​ത്.

കേ​സി​ലെ മ​റ്റു പ്ര​തി​ക​ളാ​യ കൊ​ടു​ങ്ങ​ല്ലൂ​ർ പ​ടാ​ക്കു​ളം സ്വ​ദേ​ശി അ​നു​ഷ് ച​ന്ദ്ര​നെ​യും പ്രാ​യ​പൂ​ർ​ത്തി​യാ​കാ​ത്ത മ​റ്റൊ​രാ​ളെ​യും ക​ഴി​ഞ്ഞ ദി​വ​സം പൊ​ലീ​സ് അ​റ​സ്റ്റ് ചെ​യ്തി​രു​ന്നു. മ​തി​ല​കം തൃ​പ്പേ​ക്കു​ള​ത്ത് പ​ല​ച​ര​ക്ക് ക​ട കു​ത്തി​ത്തു​റ​ന്ന് 3400 രൂ​പ​യും മ​സാ​ല​പ്പൊ​ടി​ക​ളും മോ​ഷ്‍ടി​ച്ച കേ​സി​ലും എ​ട​ത്തി​രു​ത്തി ചൂ​ലൂ​രി​ൽ റി​യ​ൽ മാ​ർ​ട്ട് എ​ന്ന സ്ഥാ​പ​നം കു​ത്തി​ത്തു​റ​ന്ന് പ​ണ​വും മൊ​ബൈ​ൽ ഫോ​ണും ഉ​ൾ​പ്പെ​ടെ 18,000 രൂ​പ​യു​ടെ സാ​ധ​ന​ങ്ങ​ൾ മോ​ഷ്ടി​ച്ച കേ​സി​ലു​മാ​ണ് ഇ​വ​രെ അ​റ​സ്റ്റ് ചെ​യ്ത​ത്.

Read Also : പ്രധാനമന്ത്രി നരേന്ദ്ര മോദി ഇന്ന് തിരുപ്പതിയിലെത്തും, നാളെ തിരുപ്പതി ഭഗവാനെ സന്ദര്‍ശിക്കും, സുരക്ഷ ശക്തമാക്കി

ന​വം​ബ​ർ 20നാ​ണ് ബൈ​ക്കി​ലെ​ത്തി​യ മൂ​ന്നം​ഗ സം​ഘം ക​ട​ക​ളി​ൽ മോ​ഷ​ണം ന​ട​ത്തി​യ​ത്. കൊ​ടു​ങ്ങ​ല്ലൂ​ർ ഡി​വൈ.​എ​സ്.​പി സ​ലീ​ഷ് എ​ൻ. ശ​ങ്ക​ര​ന്റെ നേ​തൃ​ത്വ​ത്തി​ൽ ക​യ്പ​മം​ഗ​ലം പൊ​ലീ​സ് ഇ​ൻ​സ്പെ​ക്ട​ർ എം. ​ഷാ​ജ​ഹാ​ൻ, എ​സ്.​ഐ​മാ​രാ​യ സൂ​ര​ജ്, ബി​ജു, സീ​നി​യ​ർ സി.​പി.​ഒ സു​നി​ൽ കു​മാ​ർ, സി.​പി.​ഒ ബി​ജു എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. പ്ര​തി​ക​ളെ കോ​ട​തി​യി​ൽ ഹാ​ജ​രാ​ക്കി.