വടക്കുകിഴക്കൻ സംസ്ഥാനമായ മണിപ്പൂരിൽ വീണ്ടും ആക്രമങ്ങൾ പൊട്ടിപ്പുറപ്പെട്ടു. ഇതിന്റെ പശ്ചാത്തലത്തിൽ തൗബാൽ, ഇംഫാൽ വെസ്റ്റ് ജില്ലകളിൽ മണിപ്പൂർ സർക്കാർ വീണ്ടും കർഫ്യൂ ഏർപ്പെടുത്തി. തിങ്കളാഴ്ച വൈകുന്നേരം തൗബാൽ ജില്ലയിലെ ലിലോംഗ് പ്രദേശത്ത് അജ്ഞാതരായ സായുധരായ അക്രമികളും നാട്ടുകാരും തമ്മിൽ ഏറ്റുമുട്ടലുണ്ടായതായി പ്രാദേശിക റിപ്പോർട്ടുകൾ പറയുന്നു. സായുധരായ അക്രമികൾ സാധാരണക്കാർക്ക് നേരെ വെടിയുതിർക്കുകയും മൂന്ന് പേർക്ക് ഗുരുതരമായി പരിക്കേൽക്കുകയും ചെയ്തു.
അക്രമത്തെ തുടർന്ന് തൗബാൽ, ഇംഫാൽ വെസ്റ്റ് ജില്ലകളിൽ വീണ്ടും നിയന്ത്രണങ്ങൾ ഏർപ്പെടുത്തി. ജില്ലയിൽ ക്രമസമാധാന നില വികസിച്ചതിനാലും അനിഷ്ട സംഭവങ്ങൾ തടയുന്നതിനും ജീവനും സ്വത്തിനും നാശനഷ്ടങ്ങൾ ഉണ്ടാകാതിരിക്കുന്നതിനും വേണ്ടിയുള്ള മുൻകരുതൽ ആയിട്ടാണ് സ്ഥലത്ത് കർഫ്യൂ ഏർപ്പെടുത്തിയത്. 2023 ഡിസംബർ 31 ലെ കർഫ്യൂ ഇളവ് ഉത്തരവ് റദ്ദാക്കുകയും സമ്പൂർണ കർഫ്യൂ ഏർപ്പെടുത്തുകയുമായിരുന്നു. ഇംഫാൽ വെസ്റ്റ് ജില്ലയുടെ എല്ലാ മേഖലകളിലും ഇത് ഉടനടി പ്രാബല്യത്തിൽ വരുമെന്ന് ഇംഫാൽ വെസ്റ്റിലെ ജില്ലാ മജിസ്‌ട്രേറ്റ് ഓഫീസ് പുറത്തിറക്കിയ ഉത്തരവിൽ പറയുന്നു.
Post Your Comments