റാഞ്ചി: ലോകസഞ്ചാരത്തിന്റെ ഭാഗമായി ഇന്ത്യയിലെത്തിയ സ്പാനിഷ് വ്ളോഗറെ കൂട്ടബലാത്സംഗം ചെയ്ത സംഭവത്തില് പ്രതികരണവുമായി മാസം ദുൽഖർ സൽമാൻ. തന്റെ സുഹൃത്തുക്കൾക്ക് അറിയാവുന്ന സ്ത്രീയാണ് ഇരയെന്നാണ് ദുൽഖർ പറയുന്നത്. ‘എന്നെ തകര്ത്തു കളഞ്ഞു ഈ വാര്ത്ത. നിങ്ങളിരുവരും ഈയിടെ കോട്ടയത്ത് എത്തിയിരുന്നു. എന്റെ അടുത്ത സുഹൃത്തുക്കള്ക്കൊപ്പം ഭക്ഷണം കഴിച്ചിരുന്നു. ആര്ക്കും ഒരിടത്തുമുണ്ടാവരുത് ഇത്തരമൊരു അനുഭവം’ എന്നാണ് ദമ്പതിമാരുടെ വീഡിയോ സോഷ്യല് മീഡിയ പോസ്റ്റ് ഇന്സ്റ്റഗ്രാം സ്റ്റോറിയായി പങ്കുവച്ചുകൊണ്ട് ദുല്ഖര് കുറിച്ചിരിക്കുന്നത്.
സംസ്ഥാന തലസ്ഥാനമായ റാഞ്ചിയില് നിന്ന് 400 കി.മീ. അകലെ ഡുംക ജില്ലയില് വച്ച് വെള്ളിയാഴ്ച രാത്രിയായിരുന്നു ബ്രസീലിയന് യാത്രികരായ ദമ്പതികള് ആക്രമിക്കപ്പെടുകയും സ്ത്രീ കൂട്ടബലാത്സംഗം ചെയ്യപ്പെടുകയും ചെയ്തത്. ഇന്ത്യയില് നിന്ന് നേപ്പാളിലേക്കുള്ള യാത്രയുടെ ഭാഗമായി ജാര്ഖണ്ഡിലെത്തിയ ഇവര് ഡുംകയില് രാത്രി തങ്ങാനായി ഒരു ടെന്റ് ഒരുക്കിയിരുന്നു. അവിടെ വച്ചാണ് ആക്രമണം നടന്നത്. നേപ്പാള് യാത്രയ്ക്ക് മുമ്പ് ഇവര് കേരളത്തിലും എത്തിയിരുന്നു. കോട്ടയത്ത് തന്റെ സുഹൃത്തുക്കള് ഒരുക്കിയ വിരുന്നില് ഇവര് പങ്കെടുത്തിരുന്നു എന്നാണ് ദുല്ഖര് പറയുന്നത്.
സംഭവത്തിൽ 4 പേര് അറസ്റ്റില്. 7 പേര് ചേര്ന്നാണ് ക്രൂരമായി ഉപദ്രവിച്ചതെന്ന് ആശുപത്രിയില് ചികിത്സയിലുള്ള യുവതി പ്രതികരിച്ചത്. യുവതിയുടെ പങ്കാളിയെയും സംഘം ചേര്ന്ന് ആക്രമിച്ച് പരുക്കേല്പിക്കുകയും സാധനങ്ങള് മോഷ്ടിക്കുകയും യുവതിയെ പീഡിപ്പിക്കുകയുമായിരുന്നു. യൂട്യൂബില് 2 ലക്ഷം ഫോളോവേഴ്സുള്ള വ്ളോഗറാണ് ഇന്ത്യയില് വച്ച് പീഡിപ്പിക്കപ്പെട്ടത്. 5 വര്ഷമായി വിവിധ രാജ്യങ്ങളിലൂടെ യാത്ര ചെയ്ത ശേഷമാണ് 28 കാരി ഇന്ത്യയിലെത്തിയത്.
\
Post Your Comments