കൊച്ചി: കോണ്‍ഗ്രസ് നേതാക്കള്‍ ബിജെപിയിലേക്ക് ചേക്കേറുന്നതിന് കാരണം കോണ്‍ഗ്രസിന്റെ നിലപാട് ഇല്ലായ്മയാണെന്ന് എല്‍ഡിഎഫ് കണ്‍വീനർ ഇ പി ജയരാജൻ. ആർഎസ്‌എസിനെ പ്രതിരോധിക്കാൻ കോണ്‍ഗ്രസിന് ത്രാണിയില്ലെന്നും ദേശീയ തലത്തില്‍ കോണ്‍ഗ്രസ് നാമാവശേഷമാകുന്നുവെന്നും ഇ പി ജയരാജൻ പറഞ്ഞു.
കേരളത്തില്‍ പോലും കോണ്‍ഗ്രസിന് സ്ഥാനാർഥികളെ കണ്ടെത്താൻ കഴിയുന്നില്ല. സ്ഥാനാർഥിത്വത്തിനു വേണ്ടി പോലും കോണ്‍ഗ്രസില്‍ മത്സരം നടക്കുകയാണെന്നും പറഞ്ഞ ജയരാജൻ കാറ്റ് ഇടതുപക്ഷത്തിനു അനുകൂലമാണെന്ന് അഭിപ്രായപ്പെട്ടു.
രാജ്യസഭയിലും ലോക്സഭയിലും ബിജെപിയെ പ്രതിരോധിക്കല്‍ അല്ല കോണ്‍ഗ്രസിന്റെ ലക്ഷ്യം. കെ മുരളീധരൻ വടകരയില്‍ നിന്ന് മാറിയിട്ടുണ്ടെങ്കില്‍ പേടിച്ചിട്ടാണ്. . വടകര മാറി തൃശൂർ വന്നാലും കാറ്റിന് മാറ്റമുണ്ടാകില്ല. കണ്ണൂർ സിറ്റിംഗ് എം പി വേഗത്തില്‍ അപ്പുറം പോകാൻ സാധ്യതയുള്ളയാളാണെന്നും ജയരാജൻ പരിഹസിച്ചു.
Post Your Comments