അമേരിക്കയിൽ വാഹനാപകടത്തിൽ അന്തരിച്ച കെ പി യോഹന്നാന്റെ സംസ്കാരം നാളെ: സഭ ആസ്ഥാനത്ത് ഇന്ന് പൊതുദർശനം

പത്തനംതിട്ട: അന്തരിച്ച ബിലീവേഴ്സ് ഈസ്റ്റേൺ ചർച്ച് മെത്രാപ്പൊലീത്ത അത്തനേഷ്യസ് യോഹാന്‍റെ (74) മൃതദേഹം നാളെ സംസ്‌കരിക്കും. ഇന്ന് രാവിലെ 9 മണി മുതൽ നാളെ രാവിലെ ഒൻപത് വരെ ബിലീവേഴ്സ് കൺവെൻഷൻ സെന്ററിൽ പൊതുദർശനം ഉണ്ടായിരിക്കും.

തിരുവല്ലയിലെ സഭ ആസ്ഥാനത്തും ഇന്ന് പൊതുദർശനം ഉണ്ടായിരിക്കും.പള്ളിയിലേക്ക് വിലാപ യാത്രയായി പോയ ശേഷം നാളെ 11 മണിയോടെ കബറടക്ക ചടങ്ങുകൾ തുടങ്ങും. ഈ മാസം ഏഴിന് അമേരിക്കയിലെ വാഹനാപകടത്തിലായിരുന്നു അദ്ദേഹത്തിന്റെ മരണം.

പ്രഭാത നടത്തത്തിനിടെയാണ് അപകടമുണ്ടായത്. ഗുരുതരമായ പരിക്കിനെ തുടർന്ന് ആശുപത്രിയിൽ പ്രവേശിച്ചെങ്കിലും ജീവൻ രക്ഷിക്കാനായില്ല. കുറച്ച് മാസങ്ങളായി ഭാര്യ ഗിസല്ലയ്ക്കും മക്കളായ ഡാനിയേൽ, സാറ എന്നിവർക്കൊപ്പം അമേരിക്കയിൽ താമസിച്ചു വരികയായിരുന്നു മെത്രാപ്പൊലീത്ത അത്തനേഷ്യസ് യോഹാൻ.