റിയാദ് : സൗദി മാറ്റത്തിന്റെ പാതയില്‍. രാജ്യത്ത് ആദ്യമായി സംഗീത പഠനത്തിനായി സ്ഥാപനം വരുന്നു. റിയാദ് ആസ്ഥാനമായ സ്ഥാപനത്തില്‍ സംഗീത അവതരണത്തിനും അവസരമുണ്ടാകും. ജനറല്‍ എന്റര്‍ടൈന്‍മെന്റ് അതോറിറ്റിക്ക് കീഴിലാണ് പുതിയ സ്ഥാപനം പ്രവര്‍ത്തിക്കുക.
സംഗീതം മാത്രമായിരിക്കും ഇവിടെ പഠിപ്പിക്കുക. സ്ഥാപനത്തിനുള്ള ലൈസന്‍സ് സൗദി സാംസ്‌കാരിക ജനറല്‍ അതോറിറ്റി അനുവദിച്ചതായി ജനറല്‍ എന്റര്‍ടൈന്‍മെന്റ് അതോറിറ്റി ചെയര്‍മാന്‍ തുര്‍ക്കി അല്‍ഷെയ്ഖ് പറഞ്ഞു. അറബ് സംഗീത ലോകത്തെ സുവര്‍ണ്ണ ശബ്ദം എന്നറിയപ്പെട്ട അബൂബക്കര്‍ സ്വലിഹ് ബെല്ഫികിയുടെ സ്മരണാര്‍ത്ഥമാണ് സ്ഥാപനം വരികയെന്നും തുര്‍കി അല്‍ശൈഖ് പറഞ്ഞു.
റിയാദില്‍ ആദ്യമായി ഹോളോഗ്രാം സംവിധാനത്തില്‍ സംഗീതമവതരിപ്പിച്ച ഗായകനാണ് അബൂബക്കര്‍. യമനില്‍ ജനിച്ച അബൂബക്കര്‍ തന്റെ ജീവിതത്തിന്റെ മൂന്നില്‍ രണ്ടു ഭാഗവും സംഗീതത്തിനു വേണ്ടിയാണ് ചെലവഴിച്ചത്. ആധുനിക അറബ് സംഗീതത്തിലെ പ്രമുഖരില്‍ പലരും ഇദ്ധേഹത്തിന്റെ ശിഷ്യഗണങ്ങളാണ്.
Post Your Comments