പ്രമുഖ താരങ്ങള്‍ അഭിനയത്തിനോടൊപ്പം വ്യവസായത്തിലും ഒരു കൈ നോക്കുന്നത് പുതുമയുള്ള കാര്യമല്ല. മിക്ക താരങ്ങളും ചില കമ്പനികള്‍ നടത്തുന്നുണ്ട്. ഇപ്പോള്‍ ചര്‍ച്ച ബോളിവുഡ് സൂപ്പർതാരം സൽമാൻ ഖാൻ സ്മാർട്ട്ഫോൺ നിർമാണ കമ്പനി ആരംഭിക്കുന്നതാണ്.
ബീയിങ്സ്മാർട്ട് എന്ന പേരിലാവും സൽമാൻ പുതിയ മൊബൈൽ ഫോൺ കമ്പനി ആരംഭിക്കുക. ഇതിനുള്ള ആദ്യ പടിയായി സാംസങ്ങ്, മൈക്രോമാക്സ് തുടങ്ങിയ കമ്പനികളിൽ പ്രവർത്തിച്ച് പരിചയമുള്ള ഉദ്യോഗസ്ഥരുടെ നേതൃത്വത്തിൽ കമ്പനിയുടെ ഒാപ്പറേഷൻ മാനേജ്മെൻറ് ടീം ഉണ്ടാക്കാനുള്ള ശ്രമത്തിലാണ് സൽമാൻ. ബീയിങ് ഹ്യൂമൻ എന്ന പേരിൽ നിലവിൽ വസ്ത്രനിർമാണ കമ്പനി നടത്തുകയാണ് സൽമാൻ ഖാൻ.
സൽമാെൻറ തന്നെ സിനിമകൾ നിർമിച്ച നിർമാതാക്കളുടെ സഹകരണത്തോട് കൂടി തുടങ്ങുന്ന കമ്പനിയിലെ ഭൂരിപക്ഷം ഒാഹരികളും സൽമാെൻറ കൈവശമായിരിക്കുമെന്നാണ് റിപ്പോർട്ടുകൾ.
ഒപ്പോ, വിവോ, ഷവോമി തുടങ്ങിയ മൊബൈൽഫോൺ നിർമാതാക്കൾക്ക് വെല്ലുവിളിയാവും പുതിയ കമ്പനി. ഈ വ്യവസായത്തിലൂടെ ലഭിക്കുന്ന ലാഭം സൽമാൻഖാൻ നടത്തുന്ന സന്നദ്ധസേവന പ്രവർത്തനങ്ങൾക്ക് ഉപയോഗിക്കാനാണ് തീരുമാനം.
Post Your Comments