ചാനല്‍ ചര്‍ച്ചയ്ക്കിടയില്‍ ബൈജു കൊട്ടാരക്കര നടത്തിയ അപകീര്‍ത്തിപരമായ പ്രസ്താവനക്കെതിരെ സംവിധായകന്‍ അരുണ്‍ ഗോപി. ‘ഒരാള്‍ക്കെതിരെ എന്തും പറയാമെന്നാണ് ഇവരുടെയൊക്കെ വിചാരം. എന്തിനും ഒരു മര്യാദ വേണ്ടെ. അല്ലെങ്കില്‍ നേരിട്ട് അറിയാവുന്ന കാര്യമായിരിക്കണം. ബൈജുവിനെതിരെ കേസുമായി മുന്നോട്ട് പോകാന്‍ തന്നെയാണ് തീരുമാനം’- അരുണ്‍ ഗോപി പറഞ്ഞു. അപകീര്‍ത്തിപരമായ പ്രസ്താവനക്കെതിരെ നിയമപരമായി മുന്നോട്ട് പോകുമെന്ന് അറിയിച്ച സംവിധായകൻ ബൈജു കൊട്ടാരക്കരക്കെതിരെ വക്കീല്‍ നോട്ടീസ് അയച്ചു.
നടിയെ ആക്രമിച്ച കേസുമായി ബന്ധപ്പെട്ട് പ്രമുഖ രാഷ്ട്രീയ നേതാവിന്റെ മകന്‍ അരുണ്‍ ഗോപിയുടെ മൊബൈലില്‍ വിളിച്ചുവെന്നും ആ കോള്‍ റെക്കോര്‍ഡ് ചെയ്ത ശേഷം പിന്നീട് നീക്കം ചെയ്‌തെന്നുമായിരുന്നു ബൈജുവിന്റെ ആരോപണം. ഈ ഫോണ്‍ കോള്‍ തിരിച്ചെടുക്കാന്‍ അരുണ്‍ ഗോപിയുടെ മൊബൈല്‍ ദിലീപ് അമേരിക്കയ്ക്ക് അയച്ചതായും ചാനല്‍ ചര്‍ച്ചയില്‍ ബൈജു കൊട്ടാരക്കര ആരോപിച്ചിരുന്നു.
Post Your Comments