കൊച്ചി: അന്തരിച്ച ഓടക്കുഴല്‍ കലാകാരനും ഗായികമാരായ അമൃത സുരേഷിന്റെയും അഭിരാമി സുരേഷിന്റെയും അച്ഛനുമായ പി.ആര്‍. സുരേഷിന്റെ സംസ്‌കാരം നടത്തി. പച്ചാളം സ്മശാനത്തിലായിരുന്നു ചടങ്ങുകള്‍. അമൃതയും അഭിരാമിയും ചേര്‍ന്നാണ് അച്ഛന് വേണ്ടിയുള്ള അന്ത്യകര്‍മങ്ങള്‍ ചെയ്തത്.
സുരേഷിന്റെ മൃതദേഹം പൊതുദര്‍ശനത്തിന് വച്ചപ്പോള്‍ കുടുംബാംഗങ്ങളെ ആശ്വസിപ്പിക്കാനായി ബന്ധുക്കളും സുഹൃത്തുക്കളുമടക്കം ഒട്ടനവധി പേര്‍ എത്തിയിരുന്നു. സുരേഷിന്റെ പ്രിയ ഓടക്കുഴലും മൃതദേഹത്തിനടുത്ത് വെച്ചിരുന്നു. ആകസ്മികമായുണ്ടായ വേർപാടായിരുന്നു സുരേഷിന്റേത്.
സ്ട്രോക്കിനെ തുടര്‍ന്ന് ഗുരുതരാവസ്ഥയിലായിരുന്ന അദ്ദേഹം കൊച്ചിയിലെ സ്വകാര്യ ആശുപത്രിയില്‍ ചികിത്സയിലായിരുന്നു. പിതാവിന്റെ മരണവിവരം അമൃത തന്നെയാണ് ഇന്‍സ്റ്റാഗ്രാമിൽ അറിയിച്ചത്.
Post Your Comments