Just In

lj

ലെന്‍സ്‌ സൂം ചെയ്യുന്നത് സൈബര്‍ യാഥാര്‍ത്ഥ്യങ്ങളിലേയ്ക്ക്

രശ്മി രാധാകൃഷ്ണന്‍

 

ചതിയുടെ കാണാക്കയങ്ങള്‍ മറഞ്ഞിരിയ്ക്കുന്ന  സൈബര്‍ ഇടങ്ങളിലേയ്ക്കും മനുഷ്യമനസ്സിന്റെ ഇരുണ്ട വശങ്ങളിലേയ്ക്കും  തുറന്നു പിടിച്ച ഒരു കണ്ണാണ് ജയപ്രകാശ് രാധാകൃഷ്ണന്റെ ലെന്‍സ്‌.

എന്തും കാണാനും കാണിയ്ക്കാനും മത്സരിയ്ക്കുന്ന ഒരു കാലത്ത് യഥാര്ത്ഥജീവിതപരിസരങ്ങളില്‍ നിന്നും അകന്ന് സ്വന്തം സ്വകാര്യതകളില്‍ ശരീരം ഒരു ആഘോഷമാക്കി മാറ്റുന്ന ഒരു വിഭാഗത്തിനുള്ള ഒരു  താക്കീതാണ് ഈ ചിത്രം.

വെറും വിര്‍ച്വല്‍ എന്ന മുന്‍വിധികളോടെ, ലാഘവത്തോടെ സൈബര്‍ ഇടങ്ങളെ സമീപിയ്ക്കുമ്പോള്‍ അറിയാതെ പോകുന്ന ചതിക്കുഴികള്‍ ഈ ചിത്രം കാണിച്ചുതരുന്നു.അടച്ചിട്ട മുറികളില്‍ മനുഷ്യന്റെ ഉള്ളിലെ നൈസര്‍ഗ്ഗികമായ  മൃഗീയവാസനകള്‍ പുറത്തുവരും.മറ്റുള്ളവരുടെ സ്വകാര്യതകളിലേയ്ക്കുള്ള ഒളിഞ്ഞു നോട്ടവും നിമിഷനേരത്തെ കാഴ്ചാസുഖത്തിനായി അവ പങ്കുവയ്ക്കുന്നതും  ഒരു ലഹരി പോലെ പടരുമ്പോള്‍ അതിനിടയില്‍ ചതഞ്ഞരയുന്ന ജീവിതങ്ങളെ,കുടുംബങ്ങളെ ആരും  ഓര്‍ക്കാറേയില്ല.ഈ വര്‍ത്തമാനകാലയാഥാര്‍ഥ്യത്തിന്‍റെ  നേര്‍ക്കാഴ്ചയാണ് ലെന്‍സ്‌ എന്ന സസ്പെന്‍സ് ത്രില്ലര്‍.

കോര്‍പ്പറേറ്റ് ടെക്കിയായ അരവിന്ദിന്റെ ചാറ്റ് റൂം ആണ് സിനിമയുടെ പശ്ചാത്തലം.വിവാഹിതനും പുറമേ മാന്യനുമായ അയാളുടെ തനിനിറം പുറത്തുവരുന്നത്  കമ്പ്യൂട്ടര്‍ സ്ക്രീനില്‍ തെളിയുന്ന മുഖങ്ങളില്ലാത്ത പെണ്‍ശരീരങ്ങളുടെ സാമീപ്യത്തിലാണ്.സ്വന്തം വീട്ടിലെ അടച്ചിട്ട ആ മുറിയില്‍ അയാള്‍ മറ്റൊരു വിര്‍ച്വല്‍ ലോകം തീര്‍ക്കുകയാണ് .അങ്ങനെ ഒരു ദിവസം അയാള്‍ക്ക് സ്കൈപ്പില്‍ ലഭിയ്ക്കുന്ന സൈബര്‍ പങ്കാളി തന്റെ ആത്മഹത്യ ലൈവ് ആയിക്കാണാന്‍ അരവിന്ദിനോട് ആവശ്യപ്പെടുന്നു.ആദ്യം ഒഴിവാകാന്‍ ശ്രമിയ്ക്കുന്നെങ്കിലും ഒരു പ്രത്യേക സാഹചര്യത്തില്‍  അയാള്‍ ആ സംഭാഷണം തുടരാന്‍ നിര്‍ബന്ധിതനാകുന്നു.ആ ആത്മഹത്യയിലേയ്ക്ക് അപരനെ നയിച്ച കാരണങ്ങളാണ് കഥയുടെ പിന്നീടുള്ള ഗതി നിര്‍ണ്ണയിയ്ക്കുന്നത്.

സ്വകാര്യമായ ചാറ്റ് റൂമില്‍ രണ്ടുപേര്‍ മാത്രമേയുള്ളൂ.പക്ഷെ അത് മറവുകളില്ലാത്ത ഒരു വലിയ മുറിയാണ്.എണ്ണിയാലൊടുങ്ങാത്ത കണ്ണുകള്‍  തുറന്നു പിടിച്ചിരിയ്ക്കുന്ന ഒരു തുറന്ന മുറി.അവിടെ ഒരിക്കല്‍ പങ്കുവയ്ക്കപ്പെടുന്ന വാക്കുകളും ദൃശ്യങ്ങളും എന്നെന്നേയ്ക്കുമായി  രേഖപ്പെടുത്തപ്പെടും. യുട്യൂബ് തുറന്നാല്‍ കാണുന്ന ലക്ഷക്കണക്കിന്‌ വീഡിയോകള്‍ അറിഞ്ഞും അറിയാതെയുമൊക്കെ ആരൊക്കെയോ ആരുടെയൊക്കെയോ ജീവിതത്തില്‍ നിന്നുംപകര്‍ത്തുന്നതാണ്. സ്വന്തം ജീവിതവുമായി ബന്ധപ്പെടുന്നത് വരെ,അല്ലെങ്കില്‍ അതുവരെ മാത്രം നമുക്ക് കണ്ടുരസിയ്ക്കാവുന്ന വെറും ദൃശ്യങ്ങള്‍ മാത്രമാണ് അവ..അതുവരെ മാത്രം..ഈ വസ്തുതയിലേയ്ക്കാണ്   ലെന്‍സ്‌ എന്ന ചിത്രം കൃത്യമായി സൂം ചെയ്യുന്നത്.

വളരെ പുതുമയുള്ള ഒരു ആഖ്യാനരീതിയാണ് ലെന്സിന്റെത്.കഥയുടെ മുക്കാല്‍ ഭാഗവും നടക്കുന്നത്  അടച്ചിട്ട ഒരു മുറിയിലാണ്.അഞ്ചോ ആറോ പ്രധാന കഥാപാത്രങ്ങള്‍ മാത്രമേയുള്ളൂ..സാമ്പ്രദായികമായ സിനിമാറ്റിക് ബഹളങ്ങള്‍ കണ്ടുശീലിച്ച നമ്മെ ആ പരിമിതികള്‍  ഒരു സെക്കന്റ് പോലും വിരസരാക്കുന്നില്ല എന്നതാണ് ഈ ചിത്രത്തിന്‍റെ വിജയം.കയ്യടക്കമുള്ള തിരക്കഥയും പുതുമയുള്ള ആഖ്യാനരീതിയും ഒരു മണിക്കൂര്‍ നാല്‍പ്പത്തെട്ട് മിനിറ്റ് ദൈര്‍ഘ്യമുള്ള സിനിമയുടെ സസ്പെന്‍സ് ആദ്യാവസാനം നില നിര്‍ത്തുന്നതില്‍ വിജയിച്ചു.

 വിര്‍ച്വല്‍ ബന്ധങ്ങളില്‍ അഭിരമിയ്ക്കുമ്പോള്‍ ഒരേ വീട്ടില്‍ ജീവിയ്ക്കുന്ന പങ്കാളികള്‍ തമ്മില്‍ പരസ്പ്പരം സംസാരം പോലുമില്ലാതാവുന്നതിന്റെ  അപകടസൂചനകള്‍ ചിത്രം തരുന്നുണ്ട്.കഥ തുടങ്ങുമ്പോള്‍ അയാള്‍ക്ക് അടുക്കും ചിട്ടയുമുള്ള ഒരു വീടും ഉണരുമ്പോള്‍ കരുതലോടെ കാത്തിരിയ്ക്കുന്ന ഒരു ചായയുടെ സ്നേഹസ്പര്‍ശവുമുണ്ടായിരുന്നു.ഒന്ന് കൈ നീട്ടിയാല്‍ തൊടാവുന്ന  ആ ലോകത്തുനിന്നും സ്വയം കതകടച്ച് അയാള്‍ അപ്രത്യക്ഷനാകുന്നത് ഒരു സാങ്കല്‍പ്പികലോകത്താണ്.ആ ലോകത്തെ ആഘോഷങ്ങള്‍ അയാള്‍ക്ക് നഷ്ടപ്പെടുത്തുന്നത് അയാളെത്തന്നെയും.

 അഭിനേതാക്കളുടെ സ്വാഭാവികമായ അവതരണം എടുത്തുപറയേണ്ട ഘടകമാണ്.സംവിധായകനായ ജയപ്രകാശ് രാധാകൃഷ്ണന്‍ തന്നെയാണ് ഒരു പ്രധാന കഥാപാത്രത്തെ അവതരിപ്പിച്ചത്.ആനന്ദ് സാമി, വിനുതാ ലാല്‍,മിഷാ ഗോഷല്‍ എന്നിവരും മികവ് പുലര്‍ത്തി.എസ് ആര്‍ കതിര്‍ ആണ് കാമറ. നിരവധി ചലച്ചിത്രമേളകളില്‍ പുരസ്ക്കാരങ്ങള്‍ നേടിയ ഈ ചിത്രം ലാല്‍ ജോസിന്റെ എല്‍ ജെ ഫിലിംസ് ആണ് തിയേറ്ററുകളില്‍ എത്തിയ്ക്കുന്നത്..

കാലഘട്ടത്തിനു നേര്‍ക്ക്‌ പിടിച്ച കളങ്കമില്ലാത്ത ഒരു കണ്ണാടിയാണ് ലെന്‍സ്‌.അത് സൂം ചെയ്യുന്നത് നമ്മുടെ തന്നെ ജീവിതത്തിന്റെ കാഴ്ചകളിലേയ്ക്കാണ്. ഒരു കാഴ്ച കൊണ്ട് ലോകത്ത് എല്ലാവരെയും നല്ലവരാക്കി മാറ്റുമെന്ന,എല്ലാ തിന്മകളെയും ഇല്ലാതാക്കുമെന്ന അതിഭാവുകത്വം നിറഞ്ഞ അവകാശവാദമൊന്നും ഈ സിനിമയ്ക്ക് വേണ്ടി പറയാനില്ല.എങ്കിലും ഇനിയൊരിയ്ക്കല്‍  ഇത്തരം ഒരു ക്ലിക്കിന് മുന്പ് നിങ്ങളുടെ കൈവിറയ്ക്കും ഈ ചിത്രം കണ്ടാല്‍.

Share This Article

ഒഴിവുദിവസത്തെ കളി റിവ്യൂ

Next Story »

നെരുപ്പ്  ഡാ ….. ഇത് തന്നെയാണ് കബാലി !

Leave a comment

Your email address will not be published. Required fields are marked *

Now Showing

  • the-

    ദി ഗ്രേറ്റ്‌ ഫാദര്‍

    3 weeks ago

    സംവിധാനം/രചന :- ഹനീഷ് അദേനി   നിര്‍മ്മാണം & ബാനര്‍ :- പൃഥ്വിരാജ്, സന്തോഷ്‌ ശിവന്‍, ആര്യ, ഷാജി നടേശന്‍/ആഗസ്റ്റ് സിനിമാസ്   അഭിനേതാക്കള്‍ :- മമ്മൂട്ടി,ആര്യ,സ്നേഹ,ബേബി അനിഘ, മാളവിക മോഹനന്‍, മിയ   സംഗീതം :- ...

    Read More
  • Fnews4786img

    1971 ബിയോണ്ട് ദി ബോര്‍ഡേഴ്സ്

    2 months ago

    സംവിധാനം:- മേജര്‍ രവി നിര്‍മ്മാണം & ബാനര്‍ :- ഹനീഫ് മുഹമ്മദ്, റെഡ്റോസ് എന്റര്‍ടെയിന്‍മെന്റ് അഭിനേതാക്കള്‍ :- മോഹന്‍ലാല്‍, ആശാ ശരത്ത്, ശ്രിദ്ധ, അല്ലു സിരീഷ്, റാണ ദഗ്ഗുബതി ഛായാഗ്രഹണം:- സുജിത് വാസുദേവ് ഭാഷ :- മലയാളം ...

    Read More
  • ta

    ടേക്ക് ഓഫ്

    3 months ago

    സംവിധാനം :- മഹേഷ്‌ നാരായണന്‍ നിർമ്മാണം & ബാനർ :- ആന്‍റോ ജോസഫ്&ആന്‍ മെഗാ മീഡിയ തിരക്കഥ, സംഭാഷണം :- പി.വി ഷാജി കുമാര്‍ അഭിനേതാക്കൾ :- കുഞ്ചാക്കോ ബോബന്‍, ഫഹദ് ഫാസില്‍,ആസിഫ് അലി ,പാര്‍വതി ഛായാഗ്രഹണം ...

    Read More
  • pu

    പുത്തന്‍പണം

    3 months ago

    സംവിധാനം/രചന ; രഞ്ജിത്ത്   നിര്‍മ്മാണം&ബാനര്‍ ; രഞ്ജിത്ത്, എബ്രഹാം മാത്യൂ,അരുണ്‍ നാരായണന്‍/ ത്രീ കളര്‍ സിനിമ   അഭിനേതാക്കള്‍ ; മമ്മൂട്ടി, രണ്‍ജി പണിക്കര്‍, മാമുക്കോയ, സിദ്ധിക്ക്, സായ്കുമാര്‍, ഇനിയ   ഛായാഗ്രഹണം :- ഓം ...

    Read More
  • jorjettans

    ജോർജ്ജേട്ടൻ’സ് പൂരം

    5 months ago

      കഥ, സംവിധാനം :- കെ.ബിജു നിർമ്മാണം & ബാനർ :- അരുൺ ഘോഷ്, ബിജോയ് ചന്ദ്രൻ & ശിവാനി സൂരജ്, ചാന്ദ് വി ക്രിയേഷൻസ് & ശിവാനി എന്റർടെയിൻമെന്റ് തിരക്കഥ, സംഭാഷണം :- വൈ.വി.രാജേഷ് അഭിനേതാക്കൾ ...

    Read More
  • Coming Soon

    • ചങ്ക്സ്

      2 months ago

        സംവിധാനം:- ഒമര്‍ ലുലു തിരക്കഥ:- സനൂപ് തൈക്കുടം, ജോസഫ് വിജീഷ്, അനീഷ് ഹമീദ് നിര്‍മ്മാണം & ബാനര്‍ :- വൈശാഖ് രാജ, വൈശാഖാ സിനിമ അഭിനേതാക്കള്‍ :- ബാലു വര്‍ഗ്ഗീസ്, ധര്‍മജന്‍ ബോള്‍ഗാട്ടി, വൈശാഖ് അവതരണം ...

      Read More
    • തൊണ്ടിമുതലും ദൃക്സാക്ഷിയും

      5 months ago

      സംവിധാനം – ദിലീഷ് പോത്തന്‍ രചന – സജീവ്‌ പാഴൂര്‍ നിര്‍മ്മാണം – സന്ദീപ്‌ സേനന്‍, അനീഷ്‌ എം തോമസ്‌ അഭിനേതാക്കള്‍ – ഫഹദ് ഫാസില്‍, അലന്‍സിയര്‍ സംഗീതം – ബിജിബാല്‍ ചിത്രസംയോജനം – കിരണ്‍ ദാസ് ...

      Read More
    • ‘കമ്മാരസംഭവം’

      5 months ago

      സംവിധാനം :- രതീഷ് അമ്പാട്ട് നിർമ്മാണം & ബാനർ :- ഗോകുലം ഗോപാലൻ, ശ്രീ ഗോകുലം മൂവീസ് കഥ, തിരക്കഥ, സംഭാഷണം :- മുരളീഗോപി അഭിനേതാക്കൾ :- ദിലീപ്, ബോബി സിംഹ, മുരളീ ഗോപി, സിദ്ധാർത്ഥ് തുടങ്ങിയവർ. ...

      Read More
    • ‘ടിയാൻ’

      5 months ago

      സംവിധാനം :- ജിയെൻ കൃഷ്ണകുമാർ നിർമ്മാണം & ബാനർ :- ഹനീഫ് മൊഹമ്മദ്, റെഡ് റോസ് ക്രിയേഷൻസ് കഥ, തിരക്കഥ, സംഭാഷണം :- മുരളി ഗോപി അഭിനേതാക്കൾ :- പൃഥ്വിരാജ്, ഇന്ദ്രജിത്ത്, മുരളി ഗോപി, ഷൈൻ ടോം ...

      Read More
    • ‘സോളോ’

      5 months ago

      രചന, സംവിധാനം :- ബിജോയ് നമ്പ്യാർ നിർമ്മാണം & ബാനർ :- എബ്രഹാം മാത്യു & ബിജോയ് നമ്പ്യാർ, ഗേറ്റ്എവേയ് ഫിലിംസ് & അബാം ഫിലിംസ് അഭിനേതാക്കൾ :- ദുൽക്കർ സൽമാൻ, ആൻസൻ പോൾ, ആരതി വെങ്കിടേഷ്, ...

      Read More