ആരാധകര്‍ ഏറെ സ്‌നേഹിച്ച താരദമ്പതികളായിരുന്നു കമലഹാസനും ഗൗതമിയും. എന്നാല്‍ ആരാധകരെ ഏറെ നിരാശയിലാഴ്ത്തികൊണ്ട് കുറച്ചു നാളുമുമ്പ് കമലും ഗൗതമിയും വേര്‍പിരിഞ്ഞു. ഈ വേര്‍പിരിയലിനു പിന്നിലെ കാരണങ്ങള്‍ ഇരുവരും വ്യക്തമാക്കിരുന്നില്ല.
ജീവിതത്തിന്റെ തിരക്കിനിടയില്‍ തന്റെ മകളെ ശ്രദ്ധിക്കാന്‍ കഴിഞ്ഞിരുന്നില്ലെന്നും ഇനിയുള്ള ജീവിതം മകള്‍ക്കു വേണ്ടിയാണെന്നും വേര്‍പിരിയുന്ന സമയം ഗൗതമി പറഞ്ഞിരുന്നു. കമിലില്‍ നിന്നു തന്റെ മകള്‍ അവഗണന നേരിടേണ്ടി വന്നുവെന്ന് ഗൗതമി ഇപ്പോള്‍ തുറന്നു പറയുന്നു.
കമലിനേയും മക്കളേയും സ്‌നേഹിച്ച് അവര്‍ക്കൊപ്പം കഴിഞ്ഞ തനിക്കു തന്റെ മകള്‍ സുബ്ബുലക്ഷ്മിയെ ശ്രദ്ധിക്കാന്‍ കഴിയാത്തില്‍ വിഷമം ഉണ്ടെന്നും ഗൗതമി പറഞ്ഞു. കമല്‍ തന്റെ മക്കളെ സിനിമയിലേയ്ക്ക് അനുഗ്രഹിച്ചയച്ചു. എന്നാല്‍ സുബ്ബുലക്ഷ്മിക്കു സിനിമയില്‍ നിന്ന് അവസരം വന്നപ്പോള്‍ കണ്ടില്ല എന്നു നടിച്ചു മാറി നിന്നു. എന്റെ മകള്‍ക്കു ഞാന്‍ മാത്രമേ ഉള്ളുവെന്ന് അപ്പോള്‍ ഞാന്‍ മനസിലാക്കി. എന്റെ മകളെ നല്ല സ്ഥാനത്തു കൊണ്ടുവരണമെന്നു തോന്നിയെന്നും ഗൌതമി പറയുന്നു. മലയാളത്തിലെ ഒരു സിനിമ മാസികയിലാണ് ഗൌതമിയുടെ അഭിപ്രായമായി ഇക്കാര്യം വന്നിരിക്കുന്നത്.
Post Your Comments