തന്‍റെ ഫോണില്‍ സ്വകാര്യമായി സൂക്ഷിച്ചിരുന്ന ചിത്രങ്ങള്‍ ചോര്‍ന്നതില്‍ ഞെട്ടിയിരിക്കുകയാണ് തെന്നിന്ത്യന്‍ താരം എമി ജാക്സന്‍. സുഹൃത്തുമൊപ്പം ഭക്ഷണം കഴിക്കുന്നതുള്‍പ്പെടെ എമി രഹസ്യമായി സൂക്ഷിച്ചിരുന്ന ചിത്രങ്ങളാണ് ഇന്റര്‍നെറ്റില്‍ ചോര്ന്നത്. ലണ്ടനില്‍ നിന്നും തിരിച്ചെത്തിയാല്‍ ഉടന്‍ മുംബൈ സൈബര്‍ ക്രൈം സെല്ലില്‍ പരാതി നല്‍കുമെന്ന് എമി വ്യക്തമാക്കിയിട്ടുണ്ട്.
ലണ്ടനില്‍ നിന്നും യന്തിരന്‍ 2 വിന്റെ ഷൂട്ടിങിനായി ചെന്നൈയില്‍ പോകുന്നതിനിടെ മുംബൈയില്‍ ഇറങ്ങിയതായിരുന്നു താരം. മുംബൈയിലെ ഒരു മൊബൈല്‍ സ്റ്റോറിൽ ഫോൺ നന്നാക്കാനായി എമി കൊടുത്തിരുന്നു. ഇതിനു പിന്നാലെയാണ് ചിത്രങ്ങള്‍ ചോര്ന്നത്. ഫെബ്രുവരി ഏഴിനാണ് സംഭവം. ഇന്റര്‍നെറ്റില്‍ കണ്ടപ്പോഴാണ് ചിത്രങ്ങള്‍ ചോര്‍ന്ന വിവരം എമി പോലും അറിയുന്നത്.
ചിത്രങ്ങള്‍ ഇന്റര്‍നെറ്റില്‍ കണ്ടപ്പോള്‍ താന്‍ ശരിക്കും ഞെട്ടിയതായി പറഞ്ഞു.
Post Your Comments