നെഗറ്റീവ് അഭിപ്രായങ്ങള്‍ ഉണ്ടായിട്ടും അവയോടൊക്കെ പൊരുതി നിന്ന ഒമര്‍ ലുലുവിന്റെ ‘ചങ്ക്സ്’ ബോക്സോഫീസില്‍ അത്ഭുത വിജയം സ്വന്തമാക്കിയിരുന്നു. ഇപ്പോഴിതാ ചങ്ക്സിന് ഒമര്‍ ലുലുവും കൂട്ടരും ചേര്‍ന്ന് രണ്ടാം ഭാഗം ഒരുക്കുന്നതായി റിപ്പോര്‍ട്ട്. ഹണീ റോസ് എന്ന നായികയെ മുന്‍നിര്‍ത്തി അവതരിപ്പിച്ച ചങ്ക്സില്‍ യുവാക്കളുടെ ഇഷ്ട താരങ്ങളായ ബാലു വര്‍ഗീസ്‌ ഉള്‍പ്പടെയുള്ള ടീമാണ് അഭിനയിച്ചത്. ചിത്രത്തിന് രണ്ടാം ഭാഗം ഒരുങ്ങുമ്പോള്‍ ബോളിവുഡില്‍ നിന്നൊരു പ്രമുഖ നടിയെ ചിത്രത്തിന്റെ ഭാഗമാക്കാനാണ് അണിയക്കാരുടെ ശ്രമം. എന്നാല്‍ ഇത് സംബന്ധിച്ചു ഒദ്യോഗിക സ്ഥിരീകരണം ലഭ്യമായിട്ടില്ല. അടുത്ത വര്‍ഷം തന്നെ ചിത്രത്തിന്റെ രണ്ടാം ഭാഗം സ്ക്രീനിലെത്തുമെന്നും അറിയാന്‍ കഴിയുന്നു.
Post Your Comments