തെന്നിന്ത്യയിലേക്ക് എത്താന്‍ റെക്കോര്ഡ് പ്രതിഫലം ആവശ്യപ്പെട്ട് സണ്ണിലിയോണ്‍! സിനിമയുടെ അണിയറ പ്രവര്‍ത്തകര്‍ ഞെട്ടലില്‍

ബോളിവുഡിലെ ചൂടന്‍ താരമായി തിളങ്ങിയ സണ്ണി ലിയോണിനു ഇന്ത്യയില്‍ ആരാധകര്‍ ഏറെയാണ്‌. താരം തെന്നിന്ത്യന്‍ ചിത്രത്തിലേയ്ക്ക് എത്തുന്നുവെന്ന വാര്‍ത്ത ആരാധകര്‍ ആവേശത്തോടെയാണ് കേട്ടത്. എന്നാല്‍ താരം തെന്നിന്ത്യയിലേക്കെത്താന്‍ ആവശ്യപ്പെട്ട പ്രതിഫലം കേട്ട് ഞെട്ടിയിരിക്കുകയാണ് സിനിമയുടെ അണിയറ പ്രവര്‍ത്തകര്‍. ബാഹുബലി പരമ്പരയിലെ ചിത്രങ്ങള്‍ക്കായി അനുഷ്ക ഷെട്ടി വാങ്ങിയ പ്രതിഫലത്തേക്കാള്‍ കൂടുതലാണ് സണ്ണി ചോദിച്ചിരിക്കുന്നതെന്നാണ് അഭ്യൂഹങ്ങള്‍.

3.25 കോടിയാണ് സണ്ണിലിയോണ്‍ ചോദിച്ചിരിക്കുന്ന പ്രതിഫലം. ബാഹുബലിയില്‍ അനുഷ്കയ്ക്ക് 2.5 കോടിയായിരുന്നു പ്രതിഫലം. സണ്ണിയുടെ ഡിമാന്‍ഡില്‍ അണിയറ പ്രവര്‍ത്തകര്‍ ഞെട്ടിയെങ്കിലും താരം ആവശ്യപ്പെട്ട തുക നല്‍കാമെന്ന തീരുമാനത്തിലാണ് നിര്‍മാതാക്കള്‍.

18 -ആം നൂറ്റാണ്ടില്‍ ജീവിച്ചിരുന്ന രാജകുമാരിയുടെ ജീവിതത്തെ ആസ്പദമാക്കി ഒരുക്കുന്ന ചിത്രത്തിലൂടെയാണ് സണ്ണി തെന്നിന്ത്യയിലെയ്ക്ക് എത്തുന്നത്. ആക്ഷന്‍ രംഗങ്ങള്‍ ചിത്രത്തില്‍ ഉണ്ടെന്നു സൂചന. ഇതിനായുള്ള പരിശീലനത്തിലാണ് തരാമെന്നാണ് റിപ്പോര്‍ട്ടുകള്‍