CinemaGeneralLatest NewsMollywoodNEWS

സ്ഫടികം ജോര്‍ജ്ജ് ജീവിതത്തിലേക്ക് തിരിച്ചെത്തിയതിനു പിന്നില്‍ സുരേഷ് ഗോപിയുടെ നല്ല മനസ്സ്: തുറന്നു പറഞ്ഞു ടിനി ടോം

ഞാന്‍ ഒരു കാര്യത്തിനായി അദ്ദേഹത്തെ സമീപിച്ചപ്പോള്‍ എനിക്ക് കൃത്യമായി അത് ചെയ്തു തന്നു

സുരേഷ് ഗോപി നല്ല മനുഷ്യത്വത്തിന്റെ വലിയൊരു പര്യായമാണെന്ന് മിമിക്രി താരവും നടനുമായ ടിനി ടോം. സുരേഷ് ഗോപിയുടെ നല്ല മനസ്സിന്‍റെ ഇടപെടല്‍ കൊണ്ടാണ് സ്ഫടികം ജോര്‍ജ്ജ് എന്ന നടന്‍ ഇന്ന് ജീവനോടെ ഇരിക്കുന്നതെന്നും ടിനി ടോം മനോരമയുടെ ‘നേരെ ചൊവ്വേ’ പ്രോഗ്രാമില്‍ സംസാരിക്കവേ വ്യക്തമാക്കി. താന്‍ സുരേഷ് ഗോപിയുടെ ശബ്ദം അനുകരിക്കുന്നതില്‍ ഒരിക്കലും അദ്ദേഹം നീരസം പ്രകടിപ്പിച്ചിട്ടില്ലെന്നും ടിനി ടോം പറയുന്നു.

സുരേഷ് ഗോപിയെക്കുറിച്ച് ടിനി ടോം

‘എന്നോട് വളരെ സ്നേഹപൂര്‍വമാണ് എല്ലായ്പ്പോഴും സുരേഷേട്ടന്‍ പെരുമാറിയിട്ടുള്ളത്. എനിക്ക് എല്ലാ നടന്മാരിലും ഏറ്റവും ഇഷ്ടം സുരേഷ് ഗോപിയാണ്. മിക്കവരും നല്ല മനസ്സിന്‍റെ ഉടമകളാണെങ്കിലും ഇദ്ദേഹം വേറെ ഒരു ലെവലാണ്. പെഴ്സണലായി നമ്മുടെ കാര്യങ്ങളിലേക്ക് കൂടുതല്‍ ക്ഷേമാന്വേഷണം നടത്തും. അതിനായി പ്രവര്‍ത്തിക്കും. ഞാന്‍ ഒരു കാര്യത്തിനായി അദ്ദേഹത്തെ സമീപിച്ചപ്പോള്‍ എനിക്ക് കൃത്യമായി അത് ചെയ്തു തന്നു. സ്ഫടികം ജോര്‍ജ്ജേട്ടന്‍ സുഖമില്ലാതെ കിടന്നപ്പോള്‍ ഞാന്‍ അദ്ദേഹത്തെ വിളിച്ചു. അന്ന് ഉമ്മന്‍ ചാണ്ടി സാറായിരുന്നു മുഖ്യമന്ത്രി. സുരേഷേട്ടന്‍ കാരണമാണ് സ്ഫടികം ജോര്‍ജ്ജേട്ടന്‍ ഇന്ന് ആരോഗ്യത്തോടെയും, സന്തോഷത്തോടെയും ഇരിക്കുന്നത്. അതിന്റെ എല്ലാം പ്രോസീജിയറും വേഗത്തിലാക്കിയത് സുരേഷേട്ടാനാണ്. ഓര്‍ഗന്‍ ട്രാന്‍സ്ഫ്ലേഷന്‍ ഡോണെഷനോക്കെ ഒരുപാടു നിയമവശങ്ങളുണ്ട്. അത് വേഗത്തില്‍ ചെയതത് സുരേഷേട്ടനാണ്. മറ്റുള്ളവര്‍ ഒന്നും ചെയ്തില്ല എന്നല്ല, പക്ഷെ സുരേഷേട്ടനാണ് അതിനു മുന്‍കൈ എടുത്തത്. ടിനി ടോം അഭിമുഖ പരിപാടിയില്‍ തുറന്നു പറയുന്നു.

Related Articles

Post Your Comments


Back to top button