മിനിസ്ക്രീൻ പ്രേക്ഷകരുടെ ഇഷ്ട്ട പരമ്പരയാണ് ഉപ്പും മുളകും . പരിപാടിയിലെ ലെച്ചുവിൻ്റെ അസാന്നിധ്യം സോഷ്യൽ മീഡിയയിൽ ചര്‍ച്ചയായിട്ട് കുറച്ചു ദിവസങ്ങളായി. എന്നാൽ ലെച്ചു എവിടെ എന്ന ആരാധകരുടെ ചോദ്യത്തിന് വിശ്വാസ യോഗ്യമായ ഒരുത്തരം പ്രേക്ഷകര്‍ക്ക് ലഭിച്ചിട്ടില്ലെന്നതാണ് വാസ്തവം. ഇപ്പോഴിതാ ലെച്ചു എവിടെയാണെന്ന് കണ്ടെത്തിയിരിക്കുകയാണ് സോഷ്യൽ മീഡിയ. ലെച്ചു ഫാൻസ് പേജിലൂടെ പുറത്ത് വന്നിരിക്കുന്ന ഒരു ചിത്രത്തിലൂടെയാണ് ലക്ഷക്കണക്കിന് ആരാധകരുടെ ചോദ്യത്തിന് ഉത്തരം കണ്ടെത്തിയിരിക്കുന്നത്.
വീട്ടിലെ കട്ടിലിൽ ഇരിക്കുന്ന ലെച്ചു എന്ന ജൂഹി റുസ്തഗി തൻ്റെ ഏറെ പ്രിയപ്പെട്ട ചേട്ടൻ സമ്മാനിച്ച ഗിഫ്റ്റും കൈയ്യിൽ പിടിച്ച് ഞെട്ടിത്തരിച്ചിരിക്കുകയാണ്. ജൂഹി ഗുഡിയാ എന്ന് സ്നേഹപൂര്‍വ്വം വിളിക്കുന്ന ചേട്ടൻ സമ്മാനിച്ച ഗിഫ്റ്റിൽ ജൂഹിയുടെ വിവിധ ഭാവങ്ങളിലുള്ള ചിത്രങ്ങൾ കോര്‍ത്തിട്ടിട്ടുണ്ട്. ദുർബലരായവർക്ക് വേണ്ടി നിലകൊള്ളുന്നതിനും ആളുകളെ സ്നേഹിക്കാനും നീ മിടുക്കിയാണ് എന്ന വാചകം കുറിച്ച ഫോട്ടോ ഫ്രെയിമാണ് ഗുഡിയാ പ്രിയപ്പെട്ട അനിയത്തിയ്ക്കായി സമ്മാനിച്ചിരിക്കുന്നത്.
ചിത്രത്തിന് താഴെ ലെച്ചുവിനെ മിസ് ചെയ്യുന്നെന്നും ഉടൻ ഉപ്പും മുളകിലേക്കും മടങ്ങിവരണമെന്നും കാട്ടി ആരാധകര്‍ കമൻ്റുകൾ കുറിച്ചിട്ടുണ്ട്. ഉപ്പും മുളകിലേക്ക് ലെച്ചു എത്താത്തത് ചില്ലറ സൗന്ദര്യപ്പിണക്കങ്ങൾ മൂലമാണെന്ന് മുൻപ് റിപ്പോര്‍ട്ടുണ്ടായിരുന്നു. എന്നാൽ ഉടൻ ഈ ചെറിയ പ്രശ്നം സംസാരിച്ച് ഒത്തുതീര്‍പ്പാക്കി ലെച്ചു ഷോയിലേക്ക് മടങ്ങി എത്തുമെന്ന് തന്നെയാണ് ആരാധകര്‍ക്കിടയിലെ സംസാരം.
Post Your Comments