ഹാസ്യ കഥാപാത്രങ്ങളിലൂടെ മലയാളി പ്രേക്ഷകരെ ചിരിപ്പിച്ചു കൊണ്ടായിരുന്നു ഷറഫുദ്ദീന്‍ കരിയര്‍ തുടങ്ങിയത്. പിന്നീട് അമല്‍ നീരദ് ചിത്രം വരത്തനിലൂടെ വില്ലനായി എത്തി ഷറഫുദ്ദീന്‍ അക്ഷരാര്‍ത്ഥത്തില്‍ ഞെട്ടിക്കുകയായിരുന്നു. ചിത്രത്തിലെ വില്ലനെ സിനിമ കണ്ടവരാരും മറക്കില്ല. നേരില്‍ കണ്ടാല്‍ ഒന്ന് പൊട്ടിക്കണമെന്ന് തോന്നുന്നതായിരുന്നു ഷറഫുദ്ദീന്റെ പ്രകടനം.
ഇന്ന് മലയാളത്തിലെ മുന്‍ നിര നടന്മാരിലൊരാളായി വളര്‍ന്നു നില്‍ക്കുകയാണ് ഷറഫുദ്ദീന്‍. ഈ അവസരത്തില്‍ തന്‍റെ ജീവിതത്തില്‍ തനിക്ക് പ്രചോദനം നല്‍കിയ അധ്യാപികയെ ആരാധകര്‍ക്ക് പരിജയപ്പെടുത്തുകയാണ് താരം. നടനാകണമെന്ന് ആഗ്രഹിക്കുന്ന ഒരുപാട് പേരുണ്ടാകും. പക്ഷെ അവര്‍ക്കെല്ലാം അത് നേടാനാകണമെന്നില്ല. ചുറ്റുമുള്ളവരില്‍ നിന്നും ലഭിക്കുന്ന പിന്തുണയ്ക്ക് അതില്‍ വലിയ പങ്കുണ്ട്. അങ്ങനെ തനിക്ക് പിന്തുണ നല്‍കിയ അധ്യാപികയെ ആണ് ഷറഫുദ്ദീന്‍ പരിജയപ്പെടുത്തുന്നത്.
താനൊരു നടനാകുമെന്ന് ആദ്യമായി പറഞ്ഞ ആളാണ് ഷറഫുദ്ദീന്റെ അധ്യാപികയായ മായ മിസ്. അധ്യാപികയ്ക്കൊപ്പമുള്ള ചിത്രമാണ് താരം സോഷ്യല്‍ മീഡിയയിലൂടെ പങ്കുവച്ചിരിക്കുന്നത്. അധ്യാപിക-വിദ്യാര്‍ഥി ബന്ധത്തിന്റെ മികച്ച ഉദാഹരണങ്ങളിലൊന്നായാണ് സോഷ്യല്‍ മീഡിയ ചിത്രത്തെ വിലയിരുത്തുന്നത്. അധ്യാപികയോടുള്ള തന്‍റെ ബഹുമാനവും താരം രേഖപ്പെടുത്തുന്നു.
Post Your Comments