ഫഹദ് ഫാസിലിനെ നായകനാക്കി അൻവർ റഷീദ് സംവിധാനം ചെയ്ത ഏറ്റവും പുതിയ ചിത്രമാണ് ട്രാന്‍സ്. ആത്മീയ രോഗശാന്തിയും അതിന്റെ പിന്നിലുള്ള കച്ചവട തന്ത്രത്തെ കുറിച്ചുമാണ് ചിത്രം പറയുന്നത്. ഇപ്പോഴിതാ ട്രാന്‍സ് ചിത്രത്തെ ശപിച്ചു കൊണ്ടുള്ള സുവിശേഷ പ്രാസംഗികന്റെ വീഡിയോയാണ് സോഷ്യൽ മീഡിയിൽ വൈറലായിരിക്കുന്നത്. ഗ്രേസ് ഫാമിലി ടിവി എന്ന വാട്ടര്‍മാര്‍ക്കോടെ പാസ്റ്റര്‍ വേഷം ധരിച്ച ഒരാള്‍ സ്റ്റേജില്‍ നിന്നിറങ്ങി വിശ്വാസികള്‍ക്ക് നടുവില്‍ സംസാരിക്കുന്നതാണ് വീഡിയോ. ജീവനോടെ ഇല്ലാത്ത ദിനോസറിന്റെ പേരില്‍ സിനിമയെടുത്ത് സംവിധായകന്‍ കുറേ കാശുണ്ടാക്കിയെന്ന് പാസ്റ്റര്‍ പറയുന്നു. സിനിമയെടുക്കാന്‍ കഥ ഇല്ലാത്തത് കൊണ്ടാണ് പാസ്റ്റേഴ്‌സിനെ വിഷയമാക്കി സിനിമ ചെയ്യുന്നതെന്ന് ആവേശഭരിതനായി പാസ്റ്റര്‍ പറയുന്നു.
പാസ്റ്ററിന്റെ വാക്കുകൾ ഇങ്ങനെ :
സിനിമ ഒന്നുമില്ലാഞ്ഞിട്ട് പാസ്റ്റേഴ്‌സാണ് വിഷയം നീ ആവശ്യം പോലെ സിനിമ ഞങ്ങടെ പേര് വച്ച് പിടിച്ച് ഞം ഞം വച്ച് തിന്ന്, എന്താ കൊഴപ്പം, അതൊരു വിടുതല്‍ അല്ലേ. പേരിടാന്‍ അറിയത്തില്ലേ ഞങ്ങള്‍ ഇട്ട് തരാം സാറേ, ഈ പെന്തക്കോസ്തിന്റെ സഭകളില്‍, ലക്ഷങ്ങള്‍ കോടികള്‍ ഇത് വരെ വന്നിട്ടില്ല. കസാന്ത് സാക്കീത് എന്ന ഞരമ്പ് രോഗി യേശുക്രിസ്തുവിന്റെ ലാസ്റ്റ് ടെംപ്‌റ്റേഷന്‍ ഓഫ് ജീസസ് ക്രൈസ്റ്റ് എന്ന നോവലെഴുതി യേശുവിന് എന്ത് ചുക്ക് ആണ് പറ്റീത്, യേശുവിനൊന്നും പറ്റീല്ലെങ്കില്‍ ഇതിലും വന്നാല്‍ നമ്മുക്കും ഒന്നും പറ്റൂല. നമ്മുടെ കാര്യം ആരും സിനിമ എടുക്കുന്നില്ലല്ലോ എന്ന് ചിന്തിച്ച് ഇരിക്കുകയായിരുന്നു, അത് ഏതായാലും നടന്നു. എടുത്തവര്‍ക്കും കഴിച്ചവര്‍ക്കും അഭിനയിച്ചവര്‍ക്കും സൊഖവാ, ഇനിയങ്ങോട്ട് സൊഖവാ, എന്നാന്നറിയോ, കോടിക്കണക്കിന് ജനങ്ങളാ പ്രാര്‍ത്ഥിക്കാന്‍ പോകുന്നത്. തമ്പുരാാാന്‍….., ആ തമ്പുരാന്റെ കൃപ അതിന്റെ മേല്‍ വ്യാപരിക്കും.
Post Your Comments