അന്തരിച്ച നടന്‍ ഇര്‍ഫാന്‍ ഖാന്റെ(53) കബറടക്കം നടത്തി. മുംബൈയിലെ വേര്‍സോവ കബര്‍സ്ഥാനിലാണ് വൈകീട്ടോടെ കബറടക്കം നടത്തിയത്. കനത്ത പോലീസ് സുരക്ഷയില്‍ വൈകീട്ട് മൂന്ന് മണിയോടെയാണ് കബറടക്കം നടത്തിയത്. കുടുംബാംഗങ്ങളും അടുത്ത സുഹൃത്തുക്കളും മാത്രമാണ് ചടങ്ങില്‍ പങ്കെടുത്തത്. കൊറോണ വൈറസ് വ്യാപനത്തിന്റെ അടിസ്ഥാനത്തില്‍ ആള്‍ക്കൂട്ടം ഒഴിവാക്കാനാണ് പോലീസ് കനത്ത സുരക്ഷ ഏര്‍പ്പെടുത്തിയത്.
വിശാല്‍ ഭരദ്വാജ്, കപില്‍ ശര്‍മ, മിക സിങ്ങ് തുടങ്ങിയവര്‍ സംസ്കാര ചടങ്ങില്‍ പങ്കെടുത്തു. വന്‍കുടലിലെ അണുബാധയെ തുടര്‍ന്ന് മുംബൈ അന്ധേരിയിലെ കോകിലബെന്‍ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലിരിക്കെയാണ് താരം മരണത്തിന് കീഴടങ്ങിയത്.
ഭാര്യ; സുതപ സികാർ, മക്കൾ; ബബിൽ, ആര്യൻ, സഹോദരങ്ങൾ; സല്‍മാന്‍, ഇമ്രാന്‍
Post Your Comments