റിയയുമായുള്ള ബന്ധത്തെക്കുറിച്ച് വീട്ടിൽ പറഞ്ഞിട്ടില്ല; ഫെബ്രുവരിയിൽ വിവാഹം നടത്തണമെന്ന് സുശാന്ത് പറഞ്ഞിരുന്നു, പക്ഷേ പെൺകുട്ടി ആരെന്ന് മാത്രം പറഞ്ഞില്ല

ബോളിവുഡ‍് നടൻ സുശാന്ത് സിം​ഗ് രജ്പുത് വിവാഹത്തെ കുറിച്ച് സൂചന പറഞ്ഞിരുവെന്നും അടുത്ത വർഷം ഫെബ്രുവരിയിൽ വിവാഹം കഴിക്കുന്നതിനെ കുറിച്ചു സംസാരിച്ചുവെന്നും പിതാവ് കൃഷ്ണ സിം​ഗ്.

നിലനിൽക്കുന്ന കോവിഡ് ഭീതി വിട്ടൊഴിയാതെ വിവാഹം നടത്താൻ താത്പര്യമില്ലെന്നാണ് അവൻ പറഞ്ഞത്. ഫെബ്രുവരിയിൽ നടത്താമെന്ന് എന്നാൽ ആ പെൺകുട്ടിയാരാണെന്ന് വെളിപ്പെടുത്തിയിരുന്നില്ല. അദ്ദേഹം പറഞ്ഞു. പിതാവിനെ കൂടാതെ ഒരു ബന്ധുവിനോടും സുശാന്ത് വിവാഹത്തെ കുറിച്ച് സംസാരിച്ചിരുന്നു.

എന്നാൽ റിയ ചക്രബർത്തിയുമായുള്ള ബന്ധത്തെ കുറിച്ച് തനിക്ക് യാതൊന്നും അറിയില്ലെന്നും നടി അങ്കിത ലൊഖാൻഡെയുമായുള്ള പ്രണയത്തെ കുറിച്ച് മാത്രമാണ് സുശാന്ത് പറഞ്ഞിട്ടുള്ളൂവെന്നും കൃഷ്ണ സിം​ഗ് പറയുന്നു. ആറ് വർഷം നീണ്ട പ്രണയത്തിനൊടുവിൽ ഇവർ വേർപിരിയുകയായിരുന്നു.