പ്രശസ്ത ബോളിവുഡ് നടന്‍ സുശാന്ത് സിംഗ് രജ്പുതിന്റെ മരണവുമായി ബന്ധപ്പെട്ട വിഷയത്തില്‍ പ്രതികരണവുമായി നിര്‍ഭയയുടെ അമ്മ ആശാദേവി. രണ്ട് മാസത്തിലധികമായി സുശാന്തിന്റെ മരണത്തെക്കുറിച്ചുള്ള അന്വേഷണങ്ങള്‍ പുരോഗമിച്ചു കൊണ്ടിരിക്കുകയാണ്. നീതിക്ക് വേണ്ടിയുള്ള പോരാട്ടത്തിലാണ് സുശാന്തിന്റെ കുടുംബമിപ്പോൾ.
നടന്റെ മരണവുമായി ബന്ധപ്പെട്ട കേസില്‍ സിബിഐ അന്വേഷണത്തെക്കുറിച്ചുള്ള സുപ്രീം കോടതി വാദം കേള്‍ക്കുന്നതിന് മുന്നോടിയായി സുശാന്തിന്റെ കുടുംബത്തിന് പിന്തുണ അറിയിച്ച്‌ രംഗത്തെത്തിയരിക്കുകയാണ് നിര്‍ഭയയുടെ അമ്മ ആശാദേവി. ഇവരുടെ കുടുംബത്തിന് ഉറപ്പായും നീതി ലഭിക്കുമെന്ന് ആശാദേവി വ്യക്തമാക്കി.
ഇന്ന് ‘രാജ്യം മുഴുവനും നിങ്ങള്‍ക്കൊപ്പമുണ്ടെന്ന് സുശാന്തിന്റെ കുടുംബത്തോട് പറയാന്‍ ഞാന്‍ ആഗ്രഹിക്കുന്നു.’ ആശാദേവി ടൈംസ് നൗവിനോട് പറഞ്ഞു. സത്യം പുറത്തു വരുമെന്ന് സുശാന്തിന്റെ സഹോദരി ശ്വേത സിംഗ് കൃതിയോട് നിർഭയയുടെ അമ്മ പറഞ്ഞു.
പരമോന്നത സുപ്രീം കോടതിയും ഈ രാജ്യത്തെ ജനങ്ങളും നിങ്ങള്‍ക്കൊപ്പമുണ്ട്. സുപ്രീം കോടതിയെ ഉറച്ച്‌ വിശ്വസിക്കാന്‍ സുശാന്തിന്റെ പിതാവ് കെ കെ സിംഗിനോട് ആശാദേവി ആവശ്യപ്പെട്ടു. മകന്റെ മരണത്തെക്കുറിച്ച്‌ സിബിഐ അന്വേഷണത്തിന് ഉത്തരവ് ഉണ്ടാകുമെന്ന് അദ്ദേഹത്തെ ആശാദേവി ആശ്വസിപ്പിച്ചു.
Post Your Comments