ധ്യാൻ ശ്രീനിവാസൻ്റെ തിരക്കഥയിൽ നവാഗതനായ വിനയ് ജോസ് സംവിധാനം ചെയ്യുന്ന ‘ആപ് കൈസേ ഹോ’എന്ന സിനിമയുടെ ചിത്രീകരണം ആരംഭിച്ചു. ഇന്ന് രാവിലെ കൊച്ചിയിലെ ഗിരി നഗറിൽ വെച്ചായിരുന്നു ചടങ്ങ്. ലളിതമായി നടന്ന ചടങ്ങിൽ ബേബി എയ് വാവാമറിയം വിനയ് സ്വിച്ചോൺ കർമ്മം നടത്തി. ഇടവേള ബാബു ഫസ്റ്റ് ക്ലാപ്പും നൽകി.
ധ്യാൻ ശ്രീനിവാസൻ, ദിവ്യദർശൻ, പുതുമുഖവും പ്രശസ്ത അവതാരകനുമായ ജീവ എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. സുരഭി സന്തോഷാണ് നായിക. അജു വർഗീസ്, സൈജു ക്കുറുപ്പ്, ധർമ്മജൻ ബൊൾഗാട്ടി, രമേഷ് പിഷാരടി, സുധീഷ്, ഇടവേള ബാബു എന്നിവർക്കൊപ്പം ശ്രീനിവാസനും സുപ്രധാനമായ വേഷത്തിലെത്തുന്നു.
അംജൂസ് എബൗ വേൾഡ് എൻ്റർടൈൻമെൻ്റിൻ്റെ ബാനറിൽ ഷൈൻ മുകുന്ദനാണ് ഈ ചിത്രം നിർമ്മിക്കുന്നത്. യുവത്വത്തിൻ്റെ വികാരവിചാരങ്ങൾക്ക് ഏറെ പ്രാധാന്യം നൽകി പൂർണ്ണമായും നർമ്മമുഹൂർത്തങ്ങളോടെയാണ് ഈ ചിത്രത്തെ അവതരിപ്പിക്കുന്നത്.
സ്വാതി ദാസിൻ്റെ വരികൾക്ക് ഡോൺ വിൻസൻ്റ് സംഗീതവും പശ്ചാത്തല സംഗീതവും ഒരുക്കുന്നു. അഖിൽ ജോർജ് ഛായാ ഗ്രഹണവും രെതിൻ രാധാകൃഷ്ണൻ എഡിറ്റിംഗും നിർവ്വഹിക്കുന്നു. കലാസംവിധാനം അസീസ് കരുവാരക്കുണ്ട്. മേക്കപ്പ് വിപിൻ ഓമശ്ശേരി, കോസ്റ്റിയൂം ഡിസൈൻ ഷാജി ചാലക്കുടി.
ചീഫ് അസ്സോസ്സിയേറ്റ് ഡയറക്ടർ ദിനിൽ ബാബു, അസോസിയേറ്റ് ഡയറക്ടർ. അനൂപ് അരവിന്ദൻ, സഹസംവിധാനം ഡാരിൻ ചാക്കോ, ഹെഡ്വിൻ, ജിൻസ്, എക്സികുട്ടീവ് പ്രൊഡ്യൂസർ. ജൂലിയസ് ആംസ്ട്രോങ്ങ്. (പവി കടവൂർ), പ്രൊഡക്ഷൻ എക്സിക്കുട്ടീവ് സഫി ആയൂർ. പ്രൊഡക്ഷൻ കൺട്രോളർ സജീവ് ചന്തിരൂർ. കൊച്ചിയിൽ ഈ ചിത്രത്തിൻ്റെ ചിതീകരണം പുരോഗമിക്കുന്നു. ഫോട്ടോ സന്തോഷ് പട്ടാമ്പി.
വാഴൂർ ജോസ്.
Post Your Comments