‘പിസാസ് 2’ : ആൻഡ്രിയ നായികയാകുന്നു, ചിത്രത്തിൽ അതിഥി താരമായി വിജയ് സേതുപതി

മിഷ്കിൻ സംവിധാനം ചെയ്ത ഹൊറർ ചിത്രം പിസാസിന്റെ രണ്ടാം ഭാഗത്തിൽ നടി ആൻഡ്രിയ ജെർമിയ കേന്ദ്ര കഥാപാത്രത്തെ അവതരിപ്പിക്കുന്നു. കഴിഞ്ഞ ദിവസമാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ സംവിധായകൻ വെട്രിമാരൻ സമൂഹ മാധ്യമങ്ങളിലൂടെ പുറത്തു വിട്ടത്.

ചിത്രത്തിൽ നടൻ വിജയ് സേതുപതി അതിഥി താരമെത്തുന്നുണ്ട് എന്നാണ് റിപ്പോർട്ടുകൾ. പൂർണ, സന്തോഷ് പ്രതാപ്, ‘സൈക്കോ’ ഫെയിം രാജ്‌കുമാറും, ഷംന കാസിമും, അജ്മൽ അമീറും എന്നിവരും ചിത്രത്തിലുണ്ട്. റോക്‌ഫോർട്ട് എന്റെർറ്റൈന്മെന്റിന്റെ ബാനറിൽ ടി മുരുഗാനന്തമാണ്‌ നിർമ്മാണം. കാർത്തിക്ക് രാജയാണ് സംഗീതം. ഈ വർഷം അവസാനത്തോടെ പിസാസ് 2 റിലീസ് ചെയ്യും.

Elated to release first look of my latest flick #pisasu2#Pisasu2FirstLook

@Rockfortent @andrea_jeremiah @kbsriram16 @Lv_Sri @APVMaran #KarthikRaja @shamna_kkasim @Actorsanthosh @actor_ajmal @teamaimpr @PRO_Priya pic.twitter.com/6wSxgzt8gJ

— Mysskin (@DirectorMysskin) August 3, 2021

2014 ലാണ് പിസാസ് റിലീസ് ചെയ്തത്. നാഗയും പ്രയാഗ മാർട്ടിനുമായിരുന്നു ചിത്രത്തിൽ പ്രധാന റോളുകളിൽ എത്തിയത്.