ചിരഞ്ജീവിയും രാം ചരണ്‍ തേജയും ഒന്നിക്കുന്ന ചിത്രമാണ് ‘ആചാര്യ’. പ്രമുഖ സംവിധായകന്‍ കൊരട്ടാല ശിവയാണ് ഈ ചിത്രം ഒരുക്കുന്നത്. നായികമാരായി കാജല്‍ അഗര്‍വാൾ, പൂജ ഹെഗ്ഡേ എന്നിവരെയാണ് പ്രഖ്യാപിച്ചിരുന്നത്. എന്നാല്‍, ചിത്രത്തിന്റെ ടീസര്‍- ട്രെയ്‌ലറുകളില്‍ കാജലിനെ കാണിച്ചിരുന്നില്ല. അത് എന്തുകൊണ്ടാണെന്ന് സോഷ്യൽ മീഡിയയിൽ ചർച്ചകൾ ഉയർന്നതോടെ മറുപടിയുമായി എത്തിയിരിക്കുകയാണ് സംവിധായകൻ.
‘ചിത്രീകരണം തുടങ്ങി ചില രംഗങ്ങളില്‍ കാജല്‍ അഭിനയിച്ചു എങ്കിലും താരത്തിനെ ചിത്രത്തില്‍ നിന്ന് ഒഴിവാക്കേണ്ടി വന്നു. തൃഷ ചെയ്യാനിരുന്ന വേഷമാണ് കാജല്‍ ചെയ്തത്. ചിരഞ്ജീവിയുടെ നായികയായാണ് കാജലിനെ തീരുമാനിച്ചിരുന്നത്. ചിരഞ്ജീവിയും കാജലുമുള്ള ഒരു ഗാനരംഗം ചിത്രീകരിക്കാനും തീരുമാനിച്ചിരുന്നു. ചിലത് ചിത്രീകരിക്കുകയും ചെയ്തു. എന്നാല്‍, കാജലിനെപ്പോലെ താരമൂല്യമുള്ള ഒരാള്‍ക്ക് അതുപോലൊരു വേഷം കൊടുത്താല്‍ അത് അവരോട് കാണിക്കുന്ന നീതികേടാവുമോ എന്ന് പിന്നീട് തനിക്ക് തോന്നി.ഇക്കാര്യം താരത്തിനോട് പറഞ്ഞപ്പോള്‍ അവര്‍ സന്തോഷത്തോടെ സിനിമയില്‍ നിന്ന് പിന്‍വാങ്ങുകയായിരുന്നു’- ഒരു തെലുങ്ക് ചാനലിനു നല്‍കിയ അഭിമുഖത്തില്‍ കൊരട്ടാല ശിവ പറഞ്ഞു.
ഈ മാസം 29-നാണ് ആചാര്യയുടെ റിലീസ്.
Post Your Comments