ആരാധകർ ഏറെ നാളായി കേൾക്കാൻ കാത്തിരിക്കുന്ന ആ വാർത്തയെത്തി. വെള്ളിത്തിരയിലെ വിസ്മയ ചിത്രം ‘അവതാർ 2’ ഈ വർഷം ഡിസംബർ 16 ന് തിയേറ്ററുകളിലെത്തും. നിർമ്മാതാക്കളായ ട്വന്റീത് സെഞ്ച്വറി ഫോക്സാണ് ഇക്കാര്യം അറിയിച്ചത്. സിനിമയുടെ ടൈറ്റിൽ പോസ്റ്ററും അവർ പുറത്തുവിട്ടു. ലാസ് വേഗാസിലെ സീസർ പാലസിൽ നടന്ന സിനിമാകോൺ ചടങ്ങിലാണ് റിലീസ് തീയതി പ്രഖ്യാപിച്ചത്.
‘അവതാർ- ദ വേ ഓഫ് വാട്ടർ’ എന്നാണ് രണ്ടാം ഭാഗത്തിന് പേരിട്ടിരിക്കുന്നത്. ജെയിംസ് കാമറൂൺ സംവിധാനം ചെയ്യുന്ന ചിത്രത്തിൽ
കേറ്റ് വിൻസ്ലെറ്റ്, സിഗൂണി വീവർ, എഡീ ഫാൽക്കോ, മിഷേൽ യോ, ഊനാ ചാപ്ലിൻ തുടങ്ങിയവരാണ് വേഷമിടുന്നത്. പാൻഡോറയിൽ നിന്ന് സ്വന്തമാക്കിയ കുടുംബത്തോടൊപ്പം സമാധാനമായി ജീവിതം നയിച്ചുവന്ന ജേക്ക് സുള്ളിക്ക് നേരിടേണ്ടിവരുന്ന പുതിയ വെല്ലുവിളികളാകും ചിത്രം പറയുകയെന്നാണ് സൂചന.
സിനിമയുടെ ഔദ്യോഗിക ട്രെയിലർ മാർവൽ ചിത്രമായ ‘ഡോക്ടർ സ്ട്രെയിഞ്ച് ഇൻ ദ മൾട്ടിവേഴ്സ് ഓഫ് മാഡ്നെസ്’ എന്ന ചിത്രത്തിനൊപ്പം മേയ് ആറിന് തിയേറ്ററുകളിൽ പ്രദർശിപ്പിക്കും.
Post Your Comments