ചാക്കോച്ചൻ – അരവിന്ദ് സ്വാമി കൂട്ടുകെട്ട്: ‘ഒറ്റി’ലെ പുതിയ ​ഗാനം എത്തി

കുഞ്ചാക്കോ ബോബനും അരവിന്ദ് സ്വാമിയും ആദ്യമായി ഒന്നിക്കുന്ന ദ്വിഭാഷാ ചിത്രമാണ് ‘ഒറ്റ്’. തമിഴിലും മലയാളത്തിലും ഒരുപോലെ ഒരുക്കുന്ന ഈ ചിത്രം വലിയ മുതൽ മുടക്കോടെയാണ് ചിത്രീകരിച്ചത്. തീവണ്ടി സംവിധായകൻ ഫെല്ലിനി ടി പിയാണ് സിനിമ സംവിധാനം ചെയ്യുന്നത്. തീവണ്ടിക്കു ശേഷം ആഗസ്റ്റ് സിനിമ നിർമ്മിക്കുന്ന ചിത്രം കൂടിയാണിത്.

ഇപ്പോളിതാ, സിനിമയിലെ പുതിയ ​ഗാനം പുറത്ത് വിട്ടിരിക്കുകയാണ് അണിയറ പ്രവർത്തകർ. ‘ഇരവേ..’ എന്ന് തുടങ്ങുന്ന ഗാനമാണ് റിലീസ് ചെയ്തിരിക്കുന്നത്. വിനായക് ശശികുമാർ എഴുതിയ വരികൾക്ക് സംഗീതം പകർന്നിരിക്കുന്നത് അരുൾ രാജ് ആണ്. കെ എസ് ഹരിശങ്കറാണ് ആലാപനം.

Also Read: ‘ജീവിതം പ്രവചനാതീതമാണ്, ദേവിക എന്റെ ഭാര്യയാകുമെന്ന് സ്വപ്‌നത്തില്‍പോലും വിചാരിച്ചില്ല’: വിജയ് മാധവ്

പൂർണ്ണമായും ത്രില്ലർ മൂഡിൽ അണിയിച്ചൊരുക്കുന്ന ഈ ചിത്രത്തിൽ നിരവധി ബഹുഭാഷാ അഭിനേതാക്കളും അഭിനയിക്കുന്നുണ്ട്. അരവിന്ദ് സ്വാമി 25 വർഷത്തിനു ശേഷം മലയാളത്തിലേക്ക് തിരിച്ചെത്തുന്ന ചിത്രം കൂടിയാണിത്. ജാക്കി ഷ്രോഫ്, ആടുകളം നരേൻ, ഈഷ റെബ്ബ, ദീപ്തി സതി എന്നിവരും ചിത്രത്തിൽ അണിനിരക്കുന്നുണ്ട്. സിനിമ സെപ്റ്റംബർ 2ന് തിയേറ്ററുകളിലെത്തും.