നിങ്ങളുടെ ഇഷ്ടത്തിന് ആവിഷ്കാര സ്വാതന്ത്ര്യത്തെക്കുറിച്ച് പറയരുത്: കേരളസ്റ്റോറി പ്രദർശിപ്പിക്കുമെന്ന് സുരേഷ് ​​ഗോപി

അടുത്തിടെ പുറത്തിറങ്ങിയ കേരളസ്റ്റോറി സിനിമക്കെതിരെ മനപ്പൂർവ്വം വിവാദങ്ങളുണ്ടാക്കുവാൻ കുറച്ചുപേർ രം​ഗത്തുണ്ടെന്ന് സുരേഷ് ​ഗോപി.

പ്രേക്ഷകർക്ക് വേണ്ടിയുള്ളതാണ് സിനിമ, അതിനെതിരെ സംസാരിക്കാതെ എല്ലാത്തരം സിനിമയും പ്രേക്ഷകർക്ക് കാണുവാൻ അവസരം നൽകണമെന്നും താരം അഭിപ്രായപ്പെട്ടു.

മാധ്യമങ്ങളും മറ്റ് ചിലരും ചിത്രത്തിനെതിരെ അനാവശ്യ വിവാദം സൃഷ്ട്ടിക്കുകയാണെന്നും സുരേഷ് ​ഗോപി പറഞ്ഞു. ചിത്രത്തിൽ പറയുന്നത് സത്യമാണ്, ആർഷ വിദ്യാ സമാജത്തിലെ പെൺകുട്ടികളെക്കുറിച്ച് എല്ലാവരും അറിയണമെന്നും സുരേഷ് ​ഗോപി പറഞ്ഞു.

പ്രേക്ഷകന് വേണ്ടിയുള്ളതാണ് ദി കേരള സ്റ്റോറി സിനിമയും. അവർ അത് കാണട്ടെ, എന്തിന് ഈയൊരു ചിത്രത്തിനെതിരെ അനാവശ്യമായി പ്രശ്നങ്ങൾ സൃഷ്ട്ടിക്കുന്നുവെന്നും സുരേഷ് ​ഗോപി ചോദിച്ചു.

ആവിഷ്കാര സ്വാതന്ത്ര്യം പറയുന്നവർ ലെഫ്റ്റ് റൈറ്റ് ലെഫ്റ്റ് എന്ന സിനിമയെക്കുറിച്ച് ഓർക്കണം, കേരള സ്റ്റോറി എന്ന ചിത്രത്തിൽ പറയുന്നത് ജനങ്ങൾ മനസ്സിലാക്കുന്നതിൽ എന്താണ് പ്രശ്നമെന്നും താരം ചോദിക്കുന്നു.