റീൽസിലും തമന്നയാണ് താരം, രജനിയെ ആര് നോക്കാനെന്ന് കമന്റുകൾ, ഇളകി ഫാൻസ്

റീൽസുകളിൽ തരം​ഗമായി തമന്നയും കാവാലാ ​ഗാനവും മുന്നേറുകയാണ്. ജയിലറെന്ന രജനി ചിത്രത്തിലെ ​ഗാനമാണിത്.

എന്നാൽ ​ഗാനരം​ഗങ്ങളിൽ രജനി ഉണ്ടെങ്കിലും ആരും ശ്രദ്ധിക്കുന്നില്ലെന്നും കണ്ണുകളെല്ലാം തമന്നയിലേക്കാണെന്നുമാണ് ഒരു കൂട്ടം ആളുകൾ സോഷ്യൽ മീഡിയയിൽ പറയുന്നത്.

തമന്നയുടെ വക്ക വക്ക കണ്ടോ ​ഗയ്സ് എന്ന രീതിയിൽ ചിലർ ​ഗാനത്തെ പരിഹസിക്കുന്നുമുണ്ട്. എന്നാൽ വയസായ രജനിയെ ആരും നോക്കുന്നില്ലെന്ന തരത്തിലുള്ള പരിഹാസം അതിര് വിട്ടതോടെ രൂക്ഷമായ മറുപടിയുമായി രജനി ഫാൻസ് എത്തുകയും ചെയ്തു.

തങ്ങളുടെ പ്രിയ താരത്തെ അപമാനിക്കുന്ന തരത്തിലുള്ള കമന്റുകൾക്ക് ചുട്ടമറുപടിയാണ് ആരാധകർ നൽകുന്നത്.