നടി അനുശ്രീയുടെയും ഉണ്ണി മുകുന്ദന്റെയും വിവാഹവുമായി ബന്ധപ്പെട്ട പ്രചാരണം സമൂഹമാധ്യമങ്ങളില്‍ തുടങ്ങിയിട്ട് നാളുകളേറെയായി. ചില ഓൺലൈൻ സൈറ്റുകളും ഫേസ്ബുക്ക് പേജുകളുമാണ് വാർത്തയുടെ ലേബലിൽ ഇക്കാര്യത്തിൽ അഭ്യൂഹങ്ങൾ പ്രചരിപ്പിക്കുന്നത്. ഇപ്പോഴിതാ ഒരു ഗ്രൂപ്പിൽ ഉണ്ണിയെയും നടി അനുശ്രീയെയും ചേർത്തുള്ള ഒരു പോസ്റ്റിന് മറുപടിയുമായി സോഷ്യൽ മീഡിയ പോസ്റ്റ് ഇട്ടിരിക്കുകയാണ് താരം.
പോപ്പുലർ ഒപ്പീനിയൻസ് മലയാളം എന്ന ഗ്രൂപ്പിൽ വന്ന ഒരു പോസ്റ്റിൽ ഉണ്ണി മുകുന്ദനും അനുശ്രീയും ഇരുന്ന് സംസാരിക്കുന്ന ഒരു ഫോട്ടോയ്‌ക്കൊപ്പം ‘മലയാളികൾ കാത്തിരിക്കുന്ന ഇവരുടെ കല്ല്യാണം എന്ന് നടക്കും എന്ന് അറിയാനാണ്’ എന്നാണ് ക്യാപ്ഷൻ എഴുതിയിരിക്കുന്നത്. ഇതിന്റെ സ്‌ക്രീൻ ഷോട്ട് ഷെയർ ചെയ്ത് ‘ഈ ടൈപ്പ് വാർത്തകൾ നിർത്താൻ ഞാൻ എത്ര പേമെൻറ് ചെയ്യണം? എന്നാണ് ഉണ്ണി ചോദിക്കുന്നത്.
അടുത്തിടെ പാലക്കാട് ഒറ്റപ്പാലത്ത് നടന്ന ഗണേശോത്സവത്തിനിടെ എടുത്ത ഒരു വീഡിയോ അനുശ്രീ സോഷ്യൽ മീഡിയയിൽ പോസ്റ്റ് ചെയ്തിരുന്നു. ഉണ്ണി മുകുന്ദനും അനുശ്രീയും ഒന്നിച്ച് വേദി പങ്കുവെച്ചപ്പോഴുള്ള നിമിഷങ്ങളാണ് വീഡിയോയിലുള്ളത്. ഈ വീഡിയോക്ക് നടി നൽകിയ പശ്ചാത്തല ഗാനമാണ് ആരാധകർക്കിടയിൽ ചർച്ചാവിഷയമായത്. ഉണ്ണി മുകുന്ദൻ നായകനായി അഭിനയിച്ച തത്സമയം ഒരു പെൺകുട്ടി എന്ന ചിത്രത്തിലെ ‘എന്തേ ഹൃദയതാളം മുറുകിയോ’ എന്ന ഗാനമാണ് പശ്ചാത്തലത്തിലുള്ളത്. ഈ വരികൾ ക്യാപ്ഷനായും അനുശ്രീ നൽകിയിരുന്നു. ഇതോടെ ഇരുവരും വിവാഹം ചെയ്യണമെന്ന അഭ്യർത്ഥനയുമായി ആരാധകരും എത്തി. ഇരുവരേയും ഒന്നിച്ചുകാണാൻ നല്ല രസമുണ്ടെന്നും കല്ല്യാണം കഴിച്ചുകൂടേയെന്നും ആരാധകർ ചോദിച്ചിരുന്നു. ഇത് അതിര് കടന്നതോടെയാണ് ഉണ്ണി മുകന്ദൻ നേരിട്ട് അഭ്യൂഹത്തിൽ വ്യക്തത വരുത്തി രംഗത്ത് വന്നിരിക്കുന്നത്.
Post Your Comments