മുടി കൊഴിച്ചിൽ തടയാൻ പോഷക മൂല്യമുള്ള ഭക്ഷണങ്ങൾ കഴിക്കുന്നതിനു പുറമേ, മുടി നന്നായി പരിപാലിക്കുകയും വേണം. അശ്രദ്ധമായി മുടി കൈകാര്യം ചെയ്യുന്നത് മുടി കൊഴിച്ചിൽ കൂടാൻ കാരണമാകും. ഇത്തരത്തിൽ മുടി നനച്ചു കുളിച്ചതിനു ശേഷം മുടിയുടെ ആരോഗ്യം നിലനിർത്താൻ കുറച്ചു കാര്യങ്ങൾ ശ്രദ്ധിക്കേണ്ടതുണ്ട്. അവ പരിചയപ്പെടാം.
തലമുടി നനച്ച ശേഷം ടവൽ കൊണ്ട് വരിഞ്ഞു കെട്ടിവയ്ക്കുന്ന ശീലം ഉള്ളവരാണെങ്കിൽ അത് പൂർണമായും ഒഴിവാക്കണം. അത് മുടിയുടെ ആരോഗ്യത്തിന് നല്ലതല്ല. ടവൽ ചുറ്റുകയാണെങ്കിൽ അയഞ്ഞ രീതിയിൽ മാത്രം കെട്ടിവയ്ക്കുക. കൂടാതെ, അധികം പരുക്കനായ ടവൽ ഉപയോഗിക്കാൻ പാടില്ല. ഇത് മുടി പൊട്ടാൻ ഇടയാക്കും.
മുടി നനഞ്ഞയുടനെ ചീകാൻ പാടില്ല. ഇഴ തമ്മിൽ വലിയ അകലമുള്ള ചീപ്പ് ഉപയോഗിച്ച് അൽപമൊന്ന് ഉണങ്ങിയ ശേഷം മാത്രം ചീകുക. ഗുണമേന്മയുള്ള ഹെയർ സിറം ഉപയോഗിക്കുന്നത് മുടിയുടെ ആരോഗ്യം മെച്ചപ്പെടുത്താൻ സഹായിക്കും.
Post Your Comments