മൂന്നാറില്‍ ഓടിക്കൊണ്ടിരുന്ന കാറിന് തീപിടിച്ചു; യാത്രക്കാര്‍ രക്ഷപ്പെട്ടത് തലനാരിഴയ്‌ക്ക്

ഇടുക്കി: മൂന്നാറിൽ ഓടിക്കൊണ്ടിരുന്ന കാറിന് തീ പിടിച്ചു. വിനോദ സഞ്ചാരികൾ യാത്ര ചെയ്തിരുന്ന കാറിനാണ് തീ പിടിച്ചത്.

മൂന്നാർ- ദേവികുളം റോഡിലെ ഇറച്ചിപ്പാറയ്‌ക്ക് സമീപമുള്ള ഇറക്കത്ത് വെച്ചായിരുന്നു അപകടം.

കോട്ടയം സ്വദേശികൾ സഞ്ചരിച്ചിരുന്ന ഹ്യൂണ്ടായ് സാൻട്രോ കാറാണ് കത്തിയമർന്നത്. കാറിൽ നിന്നും പുക ഉയരുന്നത് ശ്രദ്ധയിൽ പെട്ടതോടെ ഡ്രൈവറും മറ്റ് യാത്രക്കാരും ഇറങ്ങിയതാണ് രക്ഷയായത്.