പ്ലാശനാൽ: ബൈക്കും വാനും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രക്കാരനായ യുവാവ് മരിച്ചു. തലപ്പലം കല്ലങ്കുഴിയിൽ അനീഷിന്റെ മകൻ അനന്ദുവാണ് (19) മരിച്ചത്.
Read Also : ബാങ്ക് ജീവനക്കാരുടെ പ്രവൃത്തി ദിവസം ആഴ്ചയിൽ അഞ്ച് ദിവസമാക്കുന്നു, കൂടുതൽ വിവരങ്ങൾ അറിയാം
പ്ലാശനാലിനു സമീപം ബുധനാഴ്ച ഉച്ചക്കായിരുന്നു അപകടം. പ്ലാശനാലിൽ നിന്നും പനയ്ക്കപാലത്തേക്കു കോഴിത്തീറ്റയുമായി വരികയായിരുന്ന പിക്കപ്പ് വാനിൽ ബൈക്ക് ഇടിക്കുകയായിരുന്നു. ഇടിയുടെ ആഘാതത്തിൽ ബൈക്കിന്റെ പിന്നിലിരുന്ന അനന്തു തെറിച്ചുവീണു. തലയ്ക്ക് പരിക്കേറ്റ അനന്തുവിനെ ഉടൻ തന്നെ ഭരണങ്ങാനത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
Read Also : വിവാഹ ചടങ്ങുകള്ക്കിടെ സിലിണ്ടര് പൊട്ടിത്തെറിച്ചു; കുടുംബത്തിലെ 5 പേര് മരിച്ചു
ബൈക്ക് ഓടിച്ചിരുന്ന പൂഞ്ഞാർ പാതാമ്പുഴ ചേന്നാപ്പാറയിൽ അലൻ ബെന്നിയെ പരിക്കുകളോടെ ആശുപത്രിയിൽ പ്രവേശിപ്പിച്ചു. അനന്തുവിന്റെ അമ്മ പ്രിയ. സഹോദരി അശ്വതി. പൊലീസ് നടപടികൾക്ക് ശേഷം മൃതദേഹം പാലാ ജനറൽ ആശുപത്രിയിൽ സൂക്ഷിച്ചിരിക്കുകയാണ്.
Post Your Comments