റെഡ്മി 12 5ജി വിപണിയിലെത്തി! പ്രധാന ഫീച്ചറുകൾ അറിയാം

സ്മാർട്ട്ഫോൺ പ്രേമികളുടെ മനം കവർന്ന ബ്രാൻഡുകളിൽ ഒന്നാണ് റെഡ്മി. വിപണിയിൽ പല വിലയിലുള്ള ഹാൻഡ്സെറ്റുകൾ റെഡ്മി പുറത്തിറക്കാറുണ്ട്. അത്തരത്തിൽ കമ്പനി ബഡ്ജറ്റ് റേഞ്ചിൽ അവതരിപ്പിച്ച 5ജി സ്മാർട്ട്ഫോണാണ് റെഡ്മി 12 5ജി. കുറഞ്ഞ ചെലവിൽ കൂടുതൽ ഫീച്ചറുകൾ ഉള്ള ഹാൻഡ്സെറ്റുകൾ നോക്കുന്നവർക്ക് റെഡ്മി 12 5ജി മികച്ച ഓപ്ഷനാണ്. ഇവയുടെ പ്രധാന സവിശേഷതകൾ എന്തൊക്കെയാണെന്ന് പരിചയപ്പെടാം.

6.79 ഇഞ്ച് ഐപിഎസ് എൽസിഡി ഫുൾ എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. ക്വാൽകം സ്നാപ്ഡ്രാഗൺ 4ജെൻ 2 പ്രോസസർ കരുത്തിലാണ് പ്രവർത്തനം. ആൻഡ്രോയിഡ് 13 ആണ് ഓപ്പറേറ്റിംഗ് സിസ്റ്റം. 50 മെഗാപിക്സൽ പ്രൈമറി സെൻസറാണ് പിന്നിൽ നൽകിയിരിക്കുന്നത്. സെൽഫി, വീഡിയോ കോൾ എന്നിവയ്ക്കായി മുൻഭാഗത്ത് 8 മെഗാപിക്സൽ ക്യാമറയും നൽകിയിട്ടുണ്ട്. 5000 എംഎഎച്ച് ആണ് ബാറ്ററി ലൈഫ്. 128 ജിബി സ്റ്റോറേജ് വേരിയന്റിൽ വാങ്ങാൻ സാധിക്കുന്ന റെഡ്മി 12 5ജിയുടെ ഇന്ത്യൻ വിപണി വില 15,999 രൂപ മുതലാണ് ആരംഭിക്കുന്നത്.

Also Read: ഐഫോൺ സ്വന്തമാക്കാൻ ആഗ്രഹിക്കുന്നവർക്ക് കിടിലൻ അവസരം! ഈ മോഡലിന് വമ്പൻ കിഴിവ്